ரூ. 11.52 லட்சத்துக்கு விளைபொருள்கள் ஏலம்

பவானியை அடுத்த பூதப்பாடி ஒழுங்குமுறை விற்பனைக் கூடத்தில் வேளாண் விளை பொருள்கள் ரூ. 11.52 லட்சத்துக்கு செவ்வாய்க்கிழமை ஏலம் போயின. 
இங்கு, 3,505 தேங்காய்கள் கொண்டு வரப்பட்டன. சிறியவை ரூ. 9.70-க்கும், பெரியவை ரூ. 20.30-க்கும் என மொத்தம் ரூ. 86,250-க்கு விற்பனையானது. 26 மூட்டைகள் தேங்காய் பருப்பு 3.25 குவிண்டால் கிலோ ரூ. 95.19 முதல் ரூ. 130.59 வரை மொத்தம் ரூ. 32,366-க்கும், 679 மூட்டைகள் நிலக்கடலைக்காய் 335.03 குவிண்டால் கிலோ ரூ. 38.46 முதல் ரூ. 46 வரையில் மொத்தம் ரூ. 8,73,795-க்கும் ஏலம் போனது. 
 56 மூட்டைகள் நெல் 40.94 குவிண்டால் கிலோ ரூ. 10.92 முதல் ரூ. 16 வரையில் மொத்தம் ரூ. 53,394-க்கும், 31 மூட்டைகள் மக்காச்சோளம் 29.51 குவிண்டால் கிலோ ரூ. 12.27 முதல் ரூ. 12.42 வரையில் மொத்தம் ரூ. 36,518-க்கும், 25 மூட்டைகள் துவரை 18.03 குவிண்டால் கிலோ ரூ. 33.49 முதல் ரூ. 36.49 வரையில் மொத்தம் ரூ. 60,328-க்கும், 2 மூட்டைகள் எள் 1.09 குவிண்டால் கிலோ ரூ. 91.90 என மொத்தம் ரூ. 10,062-க்கும் விற்பனையானது. 
மொத்தம் 819 மூட்டைகள் 460.37 குவிண்டால் விளைபொருள்கள் மொத்தம் ரூ. 11 லட்சத்து 52 ஆயிரத்து 713-க்கு ஏலம் போனது. இதில், பூதப்பாடி சுற்று வட்டாரப் பகுதிகளைச் சேர்ந்த 216 விவசாயிகள் பங்கேற்றனர்.