பாரதி வித்யாலயத்தில் கபடி போட்டி

கோபி பாரதி வித்யாலயா சிபிஎஸ்இ பள்ளி சார்பில், கபடி போட்டிகள் ஞாயிற்றுக்கிழமை நடைபெற்றன.
 இப்போட்டிகளை பள்ளிக் கல்வித் துறை அமைச்சர் கே.ஏ.செங்கோட்டையன் தொடக்கி வைத்தார். இறுதிப் போட்டியில் கோபி பி.கே.ஆர். மகளிர் கலைக் கல்லூரி அணியும், பெரியகொடிவேரி புனித சேவியர் மேல்நிலைப் பள்ளி அணியும் விளையாடின. இதில், 26-23 என்ற புள்ளிக் கணக்கில் பி.கே.ஆர். கல்லூரி அணி வெற்றி பெற்றது. இரண்டாவது பரிசை புனித சேவியர் மேல்நிலைப் பள்ளி பெற்றது. போட்டியில் வெற்றி பெற்ற அணிகளுக்குப் பள்ளித் தாளாளர் பி.ஆர்.வேலுமணி தலைமையில் பரிசளிப்பு விழா நடைபெற்றது. வெற்றி பெற்ற அணிகளுக்கு பள்ளிக் கல்வித் துறை அமைச்சர் கே.ஏ.செங்கோட்டையன் பரிசு வழங்கிப் பாராட்டினார்.
 விழாவில், திருப்பூர் மக்களவை உறுப்பினர் சத்யபாமா, கவிஞர் பா.விஜய், சின்னத்திரை நடிகை நீலிமா, தொழிலதிபர் கே.எம்.வெங்கடேஸ்வரன், பி.கே.ஆர். கல்லூரிச் செயலர் பி.என்.வெங்கடாசலம் உள்ளிட்டோர் கலந்துகொண்டனர்.
தொடர்ந்து, அமைச்சர் கே.ஏ.செங்கோட்டையன்  கோபியைச் சேர்ந்த அனைத்து மருத்துவர்களின்  சேவையைப் பாராட்டி விருது வழங்கினார்.