மின்சாரம் பாய்ந்து பணியாளர் சாவு

பண்ணாரி கோயில் நீர் உந்துத் தொட்டியில் மோட்டார் பழுது பார்த்தபோது மின்சாரம் பாய்ந்ததில் தனியார் மின் பணியாளர் திங்கள்கிழமை உயிரிழந்தார்.
 சத்தியமங்கலத்தை அடுத்த ராஜன்நகர் அருகில் பண்ணாரி கோயிலின் நிர்வாகத்துக்குச் சொந்தமான நீர் உந்துத் தொட்டியில் மோட்டார் பழுது ஏற்பட்டுள்ளது. இதையடுத்து, பண்ணாரி கோயிலின் நிர்வாகத்தினர் ராஜன்நகரில் மோட்டார் பழுது பார்க்கும் எலக்ட்ரிக்கல் கடை நடத்தி வரும் ராஜேந்திரன் (48) என்பரிடம் ஒப்படைத்து, மோட்டாரை சரி செய்யக் கூறியுள்ளனர். அங்கு சென்ற ராஜேந்திரன் கோயிலின் நீர் உந்து மோட்டார் பழுது பார்க்கும்போது எதிர்பாராதவிதமாக மின்சாரம் பாய்ந்ததில் உயிரிழந்தார். ராஜேந்திரனுக்கு கவிதா என்ற மனைவி உள்ளார்.  
 இச்சம்பவம் குறித்து, பவானிசாகர் போலீஸார் வழக்குப் பதிவு செய்து விசாரித்து வருகின்றனர்.