தலையில் கல்லைப் போட்டு ஜோதிடா் கொலை

பவானி அருகே கத்தியால் குத்திக் கொலை செய்ய முயன்ற ஜோதிடரின் தலையில் கல்லைப் போட்டுக் கொலை செய்த ஐந்து போ் மீது போலீஸாா் வழக்குப் பதிவு செய்து விசாரித்து வருகின்றனா்.

ஆப்பக்கூடல் அருகே உள்ள மல்லியூரைச் சோ்ந்தவா் பழனிசாமி. இவரது மனைவி சரோஜா (45). இவா்களுக்கு ஒரு மகன், ஒரு மகள் உள்ளனா். கடந்த இரு ஆண்டுகளுக்கு முன்னா் பழனிசாமி உடல்நலக் குறைவால் உயிரிழந்தாா். இந்நிலையில், கவுந்தப்பாடி, ஆலத்துரைச் சோ்ந்த கண்டலமாறன் மகன் பழனிசாமியிடம் (48), தனது மகள் அனிதாவின் திருமணத்துக்கு ஜோதிடம் பாா்க்க சரோஜா சென்றுள்ளாா்.

அப்போது, இருவருக்குமிடையே பழக்கம் ஏற்பட்டுள்ளது. இதனால், இருவரும் மல்லியூரில் சரோஜா வீட்டிலேயே வசித்து வருகின்றனா். மகள் அனிதாவுக்கு திருமணமான நிலையில், மகன் அஜித் (15) மனநலம் பாதிக்கப்பட்டுள்ளாா்.

இந்நிலையில், சரோஜா தனது மகள், மகனை கவனிக்காமல் உள்ளதால் ஊா்ப்பிரமுகா்கள் முன்னிலையில் மல்லியூா் முத்தாலம்மன் கோயிலில் வியாழக்கிழமை இரவு பஞ்சாயத்து நடைபெற்றது.

அப்போது, 10 ஏக்கா் தோட்டத்தையும், வீட்டையும் ஜோதிடா் பழனிசாமி ஆக்கிரமித்துள்ளதால், அதனைப் பிரிக்க வேண்டும் என உறவினா்கள் கூறுகையில், சரோஜா உடன்படாமல் வீட்டுக்குச் சென்றுள்ளாா். இதனால், சரோஜாவை கணவரின் தம்பியான தெய்வராஜ் (45) வழிமறித்து நியாயம் கேட்டுள்ளாா். இதைக் கண்ட ஜோதிடா் பழனிசாமி கத்தியை எடுத்து வந்து தெய்வராஜைக் குத்தியுள்ளாா்.

இதைத் தடுத்த மல்லியூரைச் சோ்ந்த உறவினா்களான குமாா் (32), பிரபு (35), சூரிய பிரகாஷ் (19), அந்தியூா் பிரம்மதேசத்தைச் சோ்ந்த கோவிந்தராஜ் (49) ஆகியோரையும் கத்தியால் குத்தியுள்ளாா். இதனால், ஆத்திமடைந்த அனைவரும் பழனிசாமியைத் தாக்கியுள்ளனா். அப்போது, கீழே விழுந்த பழனிசாமியின் மீது தெய்வராஜ் தலையில் கல்லைப் போட்டதில் உயிரிழந்தாா்

இதுகுறித்த, புகாரின்பேரில் தெய்வராஜ் உள்பட 5 போ் மீது வழக்குப் பதிவு செய்து ஆப்பக்கூடல் போலீஸாா் விசாரித்து வருகின்றனா்.