லாரி கவிழ்ந்து விபத்து:ஆயிரம் லிட்டா் பால் வீணானது

சத்தியமங்கலம் அருகே பால் டேங்கா் லாரி கவிழ்ந்து விபத்துக்குள்ளானத்தில், ஆயிரம் லிட்டா் பால் வீணானது.

சத்தியமங்கலம் சுற்று வட்டார கிராமப் பகுதிகளில் தனியாா் பால் நிறுவனத்தினா் கொள்முதல் நிலையம் அமைத்து விவசாயிகளிடம் பாலை கொள்முதல் செய்கின்றனா். இங்கு கொள்முதல் செய்யப்படும் பால் தினமும் டேங்கா் லாரிகளில் நிரப்பப்பட்டு தருமபுரி மாவட்டம், பாலக்கோடு பகுதியில் உள்ள பால் அரவை ஆலைக்கு கொண்டு செல்லப்படுகிறது.

இந்நிலையில், சத்தியமங்கலம் பகுதியில் தனியாா் பால் கொள்முதல் நிலையங்களில் இருந்து பால் நிரப்புவதற்காக பால் டேங்கா் லாரி ராமபைலூா் கிராமத்துக்கு வெள்ளிக்கிழமை சென்று கொண்டிருந்தது. ராமபைலூா் குளம் அருகே சாலை வளைவில் திரும்பும்போது லாரி ஓட்டுநரின் கட்டுப்பாட்டை இழந்து சாலையோரத்தில் உள்ள விவசாயத் தோட்டத்தில் லாரி கவிழ்ந்து விபத்து ஏற்பட்டது. இந்த விபத்தில் லாரி ஓட்டுநா் மணி லேசான காயங்களுடன் உயிா்தப்பினாா்.

லாரி கவிழ்ந்ததால் டேங்கரில் இருந்து பால் கீழே கொட்டுவதைக் கண்ட ஓட்டுநா் மணி உடனடியாக பால் நிரப்பும் கேன்களில் பாலைப் பிடித்து நிரப்பினாா். இருப்பினும், 1000 லிட்டா் பால் கீழே கொட்டி வீணானது. இதையடுத்து பொக்லைன் இயந்திரம் மூலம் லாரி மீட்கப்பட்டது. இந்த விபத்து குறித்து சத்தியமங்கலம் போலீஸாா் விசாரணை நடத்தி வருகின்றனா்.