வருங்காலத்தை காப்பாற்றிக் கொள்ள சங்க இலக்கியத்தைப் படிக்க வேண்டும்: ஓய்வுபெற்ற ஐஏஎஸ் அதிகாரி ஆா்.பாலகிருஷ்ணன்

ஈரோடு, ஆக.7: சங்க இலக்கியத்தை படிப்பதன் மூலம் நிகழ்காலத்தைப் புரிந்து கொள்ளவும், வருங்காலத்தை காப்பாற்றிக் கொள்ளவும் முடியும் என்று ஓய்வுபெற்ற ஐஏஎஸ் அதிகாரி ஆா்.பாலகிருஷ்ணன் பேசினாா்.

தமிழக அரசு மற்றும் மக்கள் சிந்தனைப் பேரவை மூலம் நடத்தப்படும் ஈரோடு புத்தகத் திருவிழா ஈரோடு சிக்கய்ய நாயக்கா் கல்லூரியில் கடந்த 2 -ஆம் தேதி தொடங்கியது. இந்தப் புத்தகத் திருவிழா வரும் 13- ஆம் தேதி வரை நடைபெறவுள்ளது. இதையொட்டி, நாள்தோறும் மாலையில் சிந்தனை அரங்க நிகழ்வு நடைபெற்று வருகிறது.

புதன்கிழமை மாலை நடைபெற்ற சிந்தனை அரங்க நிகழ்வுக்கு தொழிலதிபா் கே.கே.பாலுசாமி தலைமை வகித்தாா். மக்கள் சிந்தனைப் பேரவைத் தலைவா் த.ஸ்டாலின் குணசேகரன் அறிமுக உரையாற்றினாா்.

இதில், ‘அணிலாடு முன்றில்’ என்ற தலைப்பில் ஓய்வுபெற்ற ஐஏஎஸ் அதிகாரி ஆா்.பாலகிருஷ்ணன் பேசியதாவது: வாழ்க்கையைப் பற்றி மட்டுமே பேசுகிற செவ்வியல் இலக்கியம் இந்திய துணைக் கண்டத்தில் எழுதப்பட்டிருக்கிறது என்றால் அது சங்க இலக்கியம் மட்டுமே. எழுத்துக்கு, சொல்லுக்கு, புணா்ச்சிக்கு இலக்கணம் இருக்கும், ஆனால் பொருளதிகாரம் என்ற பெயரில் வாழ்க்கைக்கு இலக்கணம் எழுதப்பட்ட நூல் சங்க இலக்கியங்கள்தான். பகிா்தல் அறம்தான் அறத்திற்கெல்லாம் தலையாய அறம், இந்த அறத்தை 2,000 ஆண்டுகளுக்கு முன்பு பேசியது சங்க இலக்கியம்.

நாம் சங்க இலக்கியத்தை சரியாக வாசிக்கவில்லை. என் வாழ்நாள் கனவு சங்க இலக்கியத்தை தமிழ் மக்கள் மீள் வாசிப்பு செய்ய வேண்டும் என்பதுதான். இது கடந்த காலத்தின் பெருமையைப் பேசுவதற்காக அல்ல, நிகழ்காலத்தைப் புரிந்து கொள்வதற்காகவும், வருங்காலத்தை காப்பாற்றிக்கொள்வதற்காகவும் தான். காப்பற்றப்பட்ட வேண்டியது நிகழ்காலமும், எதிா்காலமும் மட்டுமல்ல, கடந்த காலமும்தான். ஏனெனில் கடந்த காலம் தான் நம்மை தொடா்ந்து கடந்து சென்றுகொண்டே இருக்கிறது.

தொடா் மரபு நமக்கு இருக்கிறது, இந்த மரபை தக்கவைத்துக்கொள்ள கடந்த காலம் காப்பற்றப்பட வேண்டும் என்ற புரிதல் இருந்தால் மட்டுமே கடந்த காலம், நிகழ்காலம், எதிா்காலத்தையும் காப்பற்ற முடியும் என்றாா்.

‘அணையா விளக்கு’ என்ற தலைப்பில் ஞானாலயா பா.கிருஷ்ணமூா்த்தி பேசியதாவது: ஆழமான வாசிப்பும், தொடா்ந்து அதைப் பற்றிய சிந்தனையும் தேடலும் அறிவை விசாலப்படுத்துகின்றன. மனதைப் பண்படுத்துகின்றன. மேலும், மனிதா்களை மனிதாபிமானம் கொண்டவா்களாக மாற்றுகின்றன. புத்தகங்களைப் படிப்பதன் மூலம் அறிவுப் புரட்சி ஏற்படுகிறது.

உ.வே.சாமிநாத அய்யா் 12 நாள்களில் திருக்குறளை ஆங்கிலத்தில் மொழி பெயா்த்தாா். இதற்கு முன்னதாக வேறு மொழிபெயா்ப்பு வந்திருந்தாலும் இதன் சிறப்பு என்னவென்றால் 80 பக்க முன்னுரைதான். அதில் ஆதிகவியான ஹேமரில் இருந்து சமகால கவியான தாமஸ் வரை சொன்னவற்றின் அடிப்படையில் ஒப்பிட்டு, திருக்கு காலம் கடந்த ஒன்றாக வென்ாக இருக்கிறது என்று தெளிவுபடுத்தி இருக்கிறாா்.

16 மொழி கற்றுத் தோ்ந்தவா் பாரதி, தமிழில்தான் எழுதவேண்டும், பேச வேண்டும் என்று இருந்ததோடு பல செயல்திட்டங்களையும் வகுத்து செயல்படுத்தினாா். அறிவியல் சொற்களை தமிழ்படுத்துவது முடியாது என ஒருவா் சொன்னபோது, மெல்லத் தமிழ் இனி சாகும் என சொன்னபோது, எட்டுத்திக்கும் செல்வீா் என்ற கவிதையை எழுதினாா் பாரதி. காசுக்காக எதையுமே எழுதியதில்லை, எழுதியது எதையுமே காசாக்கவும் விரும்பியதில்லை பாரதி.

சமகாலத்தில் வாழ்ந்த தமிழ் சமூகத்தை உலக அளவில் அடையாளப்படுத்திய படைப்பாளிகள் வரலாற்றைகூட தமிழக மக்கள் அறிந்துகொள்ளவில்லை. படைப்பாளிகளை சமூகம் போற்றும் காலம் உருவாக வேண்டும் என்றாா்.

புத்தகத் திருவிழாவில் இன்று:

ஈரோடு புத்தகத் திருவிழாவில் வியாழக்கிழமை நடைபெறும் மாலை நேர சிந்தனை அரங்க நிகழ்வில் ‘எங்கிருந்தோம், எங்கிருக்கிறோம், எங்கே செல்ல வேண்டும்’ என்ற தலைப்பில் ஓய்வுபெற்ற ஐஏஎஸ் அதிகாரி கோ.பாலச்சந்திரன் பேசுகிறாா். சாகித்ய அகாதெமி விருது பெற்ற எழுத்தாளா் தேவிபாரதிக்கு பாராட்டு நிகழ்வு நடைபெற உள்ளது.