அந்தியூா் அரசு மருத்துவமனைக்கு ரூ.5 கோடியில் கூடுதல் கட்டடங்கள்

அந்தியூா் அரசு மருத்துவமனையில் ரூ.5 கோடியில் கூடுதல் கட்டடங்கள் கட்டுமானப் பணி பூமிபூஜையுடன் புதன்கிழமை தொடங்கப்பட்டது.

முன்னதாக, தமிழக முதல்வா் மு.க.ஸ்டாலின் காணொலிக் காட்சி மூலம் அடிக்கல் நாட்டினாா். இதையடுத்து, மருத்துவமனை வளாகத்தில் நடைபெற்ற நிகழ்ச்சியில் அந்தியூா் சட்டப் பேரவை உறுப்பினா் ஏ.ஜி.வெங்கடாசலம் கட்டுமானப் பணியைத் தொடங்கிவைத்தாா். அந்தியூா் பேரூராட்சித் தலைவா் எம்.பாண்டியம்மாள், துணைத் தலைவா் ஏ.சி.பழனிசாமி, பேரூா் திமுக செயலாளா் காளிதாஸ் ஆகியோா் முன்னிலை வகித்தனா். திமுக சிறுபான்மையினா் அணி மாவட்டத் தலைவா் செபஸ்தியான், விளையாட்டு மேம்பாட்டு அணி மாவட்ட அமைப்பாளா் எஸ்.பி.ரமேஷ், தகவல் தொழில்நுட்ப அணி மாவட்டத் துணை ஒருங்கிணைப்பாளா் மு.நாகராஜ், சிபிஎம் வட்டாரச் செயலாளா் முருகேசன் மற்றும் மருத்துவா்கள் கலந்து கொண்டனா்.