நசியனூரில் போலீஸ் பாதுகாப்புடன் ஆக்கிரமிப்பு வீடு அகற்றம்

சித்தோட்டை அடுத்த நசியனூரில் நீதிமன்ற உத்தரவின்பேரில் போலீஸ் பாதுகாப்புடன் ஆக்கிரமிப்பு வீடு செவ்வாய்க்கிழமை இடித்து அகற்றப்பட்டது.

சித்தோட்டை அடுத்த நசியனுாா், மேற்குப்புதுாா் காலனியைச் சோ்ந்தவா் சின்னான் (65), கூலித் தொழிலாளி. இவா், அப்பகுதியில் புறம்போக்கு நிலத்தை ஆக்கிரமித்து வீடு கட்டியிருந்ததால் அடுத்தடுத்த வீடுகளுக்குச் செல்ல மிகக்குறுகிய வழித்தடம் மட்டுமே இருந்துள்ளது.

இதனால், அதே பகுதியைச் சோ்ந்த பரிமளா (48) ஆக்கிரமிப்பை அகற்றக் கோரி சென்னை உயா்நீதிமன்றத்தில் வழக்கு தொடா்ந்தாா். வழக்கை விசாரித்த நீதிமன்றம் ஆக்கிரமிப்பை அகற்ற உத்தரவிட்டது.

இதைத் தொடா்ந்து, ஈரோடு மண்டல துணை வட்டாட்சியா் செல்வம் மற்றும் அலுவலா்கள் செவ்வாய்க்கிழமை ஆக்கிரமிப்பை அகற்ற சென்றபோது சின்னான், அவரது மனைவி அம்மாசை, மகன் ரங்கசாமி, அவரது மனைவி அனிதா ஆகியோா் கடும் எதிா்ப்பு தெரிவித்தனா். மேலும், வீட்டுக்குள் புகுந்து ரங்கசாமி - அனிதா தம்பதி கதவைத் தாழிட்டு, தற்கொலை மிரட்டல் விடுத்தனா்.

இதனால், கதவை உடைத்து இருவரையும் போலீஸாா் மீட்டனா். தொடா்ந்து, வீட்டை இடிக்க எதிா்ப்பு தெரிவித்ததால், அதே பகுதியில் வருவாய்த் துறை சாா்பில் மாற்றிடம் வழங்குவதாக தெரிவித்தனா். இதையடுத்து, ஆக்கிரமிப்பு வீடு இடித்து அகற்றப்பட்டது. சம்பவ இடத்தில் 10-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.