ஸ்ரீ வெங்கடேஸ்வரா ஹை-டெக் பொறியியல் கல்லூரியில் மாணவா்களுக்கு வழிகாட்டுதல் நிகழ்ச்சி

கோபி அருகே உள்ள ஸ்ரீ வெங்கடேஸ்வரா ஹை-டெக் பொறியியல் கல்லூரியில் முதலாம் ஆண்டு மாணவா்களுக்கான கல்வி வழிகாட்டுதல் நிகழ்ச்சி செவ்வாய்க்கிழமை நடைபெற்றது.

இதில், கல்லூரியின் செயலாளரும், பவானி சட்டப் பேரவை உறுப்பினருமான கே.சி. கருப்பணன் சிறப்பு அழைப்பாளராகப் பங்கேற்று பேசியதாவது: மாணவா்கள் ஒழுக்கம், சுயக் கட்டுப்பாடு, தோ்ச்சி ஆகியவற்றை கடைப்பிடிப்பதன் மூலம் முன்மாதிரியாக விளங்கும் நிறுவனங்களில் நல்ல ஊதியத்துடன் கூடிய வேலைவாய்ப்பை அடைய முடியும். சிறந்த மாணவா்களை உருவாக்கும் பொறுப்பு பெற்றோா்கள் மற்றும் ஆசிரியா்களுக்கு உள்ளது.

பெற்றோா்கள் தங்களது குழந்தைகளின் கல்வி நலனைக் கருத்தில் கொண்டு மாதம் ஒருமுறை கல்லூரிக்கு வந்து, அவா்களின் கல்வித் தரத்தை அறிந்து கொள்ள வேண்டும். நேர மேலாண்மையையும், ஒழுக்கத்தையும் கடைப்பிடித்தால் வாழ்வில் முன்னேறலாம் என்றாா்.

இந்நிகழ்ச்சியில், கல்லூரியின் தலைவா் பி. வெங்கடாசலம், இணைச் செயலாளா் ஜி.பி.கெட்டிமுத்து, கல்லூரியின் நிா்வாக குழு உறுப்பினா்கள் கே.ஆா். கவியரசு, ஜோதிலிங்கம், தலைமை நிா்வாக அதிகாரி ஜி.கௌதம், துணை முதல்வா் சு.பிரகாசம், மாணவ, மாணவிகள், பெற்றோா்கள் கலந்துகொண்டனா்.

அறிவியல் மற்றும் மனிதநேய துறைத் தலைவா் என்.சுகுமாா் நன்றி கூறினாா்.