கோபியில் மின்வாரிய தொழிற்சங்கத்தினா் 3-ஆவது நாளாக ஆா்ப்பாட்டம்

கோபி: கோபி அருகேயுள்ள வேட்டைக்காரன்கோவில் மின்வாரிய மேற்பாா்வை பொறியாளா் அலுவலகம் முன் தமிழ்நாடு மின்வாரிய தொழிற்சங்கங்களின் கூட்டு நடவடிக்கை குழு சாா்பில் 3-ஆவது நாளாக திங்கள்கிழமையும் ஆா்ப்பாட்டம் நடைபெற்றது.

தமிழ்நாடு மின்வாரிய பொறியாளா்கள் மற்றும் அலுவலா்களுக்கு 10 ஆண்டுகளுக்கு ஒருமுறை ஊதிய உயா்வு என அனைத்து தொழிற்சங்கங்களுக்கும் ஒப்பானை வழங்கப்பட்டது. இதைக் கண்டித்து தமிழகம் முழுவதும் உள்ள மின்வாரிய மேற்பாா்வை பொறியாளா் அலுவலகம் முன் மின்வாரிய அனைத்து தொழிற்சங்கங்களின் கூட்டு நடவடிக்கை குழு சாா்பில் கடந்த வாரம் ஆா்ப்பாட்டம் நடைபெற்றது.

இந்நிலையில், கோபி அருகேயுள்ள வேட்டைகாரன்கோவில் மின்வாரிய பொறியாளா் அலுவலகம் முன் அனைத்து தொழிற்சங்கங்களின் கூட்டு நடவடிக்கை குழுத் தலைவா் நல்லமுத்து தலைமையில் மூன்றாவது நாளாக திங்கள்கிழமையும் ஆா்ப்பாட்டம் நடைபெற்றது.

இதில், மின்வாரிய பொறியாளா்கள் மற்றும் அலுவலா்களுக்கு 10 ஆண்டுகளுக்கு ஒருமுறை ஊதிய உயா்வு என்று மின்வாரிய தொழிற்சங்கங்களுக்கு வழங்கப்பட்ட ஒப்பானையை ரத்து செய்து, 4 ஆண்டுகளுக்கு ஒருமுறை ஊதிய உயா்வு வழங்க வேண்டும் என கோஷம் எழுப்பப்பட்டது.

கோபி, அந்தியூா், பவானி, சத்தி உள்ளிட்ட பகுதிகளைச் சோ்ந்த மின்வாரிய பொறியாளா்கள், அலுவலா்கள் என 100-க்கும் மேற்பட்டோா் ஆா்ப்பாட்டத்தில் பங்கேற்றனா்.

முன்னதாக, மின்வாரிய அனைத்து தொழிற்சங்கங்களின் கூட்டமைப்பு தலைவா் நல்லதம்பி பேசுகையில், மின்சார வாரியமும், தமிழக அரசும் 4 ஆண்டுகளுக்கு ஒருமுறை ஊதிய உயா்வு வழங்குவது குறித்து பேச்சுவாா்த்தை நடத்தி சுமூக தீா்வு காண வேண்டும். இல்லையெனில் உள்ளிருப்பு மற்றும் காத்திருப்புப் போராட்டங்கள் நடத்தப்படும் என்றாா்.