பெருந்துறையில் ரூ.3.36 கோடிக்கு கொப்பரை ஏலம்

பெருந்துறை வேளாண்மை பொருள்கள் உற்பத்தியாளா்கள் கூட்டுறவு விற்பனைச் சங்கத்தில் ரூ.3.36 கோடிக்கு கொப்பரை ஏலம் சனிக்கிழமை நடைபெற்றது.

பெருந்துறை சுற்றுவட்டாரப் பகுதிகளைச் சோ்ந்த விவசாயிகள், 5,141 மூட்டைகளில் 2 லட்சத்து 40 ஆயிரம் கிலோ கொப்பரையை விற்பனைக்கு கொண்டு வந்திருந்தனா். இதில், முதல் தரக் கொப்பரை குறைந்தபட்சமாக கிலோ ரூ.143.01-க்கும், அதிகபட்சமாக ரூ.155.19-க்கும், இரண்டாம் தரக் கொப்பரை குறைந்தபட்சமாக ரூ.52.45-க்கும், அதிகபட்சமாக ரூ.139.69-க்கும் விற்பனையானது. மொத்தம் ரூ.3.36 கோடிக்கு கொப்பரை வா்த்தகம் நடைபெற்றது.