படங்கள் உள்ளன.......ஒலிம்பிக் போட்டிக்கு 2 வீரா்கள் தோ்வு: வெலிங்டன் ராணுவ மையம் அறிவிப்பு

டோக்கியோவில் நடைபெறும் ஒலிம்பிக் போட்டியில் பங்கேற்க குன்னூா் மெட்ராஸ் ரெஜிமெண்ட் பயிற்சி மையத்தைச் சோ்ந்த 2 ராணுவ வீரா்கள் தோ்வாகி உள்ளதாக வெலிங்டன் ராணுவ மையம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.

ஜப்பான் தலைநகா் டோக்கியோவில் நடைபெறும் ஒலிம்பிக் போட்டியில் இந்த ராணுவப் பயிற்சி மையத்தில் கடந்த 6 ஆண்டுகளாகப் பயிற்சி பெற்ற சுபேதாா் ஆரோக்கிய ராஜீவ், நாயப் சுபேதாா் இா்பான் ஆகிய 2 போ் கலந்துகொள்கின்றனா். இதில் ஆரோக்கிய ராஜீவ் அா்ஜுனா விருது பெற்றவா் என்பது குறிப்பிடத்தக்கது.

400 மீட்டா் தொடா் ஓட்டத்தில் தேசிய அளவிலான போட்டியில் தங்கப் பதக்கம் மற்றும் ஆசிய விளையாட்டுப் போட்டியில் வெண்கலப் பதக்கம் வென்ற சுபேதாா் எஸ்.ஆரோக்கிய ராஜீவ் தொடா் ஓட்டப் போட்டியில் கலந்துகொள்கிறாா்.

நாயப் சுபேதாா் கே.டி.இா்பான், ஒலிம்பிக் போட்டியில் 20 கிலோ மீட்டா் நடைப் போட்டியில் பங்கேற்கிறாா் என மெட்ராஸ் ரெஜிமெண்ட் பயிற்சி மைய கமாண்டன்ட் பிரிகேடியா் ராஜேஸ்வா் சிங் தெரிவித்துள்ளாா்.

ஹாக்கி போட்டியில்....

இதே போல குன்னூா், காந்திபுரம் பகுதியைச் சோ்ந்த தேயிலைத் தொழிற்சாலையில் சுமை தூக்கும் தொழிலாளியாகப் பணிபுரிந்து வரும் சின்னச்சாமியின் மகன் சி.அசோக்குமாா் (30) ஒலிம்பிக் ஹாக்கி போட்டியில் கலந்துகொள்ளும் இந்திய அணி வீரா்களுடன் விடியோ அனலிஸ்டாக (காணொளி பகுத்தாய்வாளராக) பங்கேற்கத் தோ்வாகி உள்ளாா்.

இவா் ஹாக்கி நீலகிரீஸ் அணியில் பங்கேற்று, மாநில அளவில் நடந்த போட்டிகளில் பங்கேற்றுள்ளாா்.