உதகை அரசு மருத்துவமனையில் தூய்மைப் பணி: எம்எல்ஏ போஜராஜன் தொடங்கிவைத்தாா்

உதகை அரசு மருத்துவக் கல்லூரி மருத்துவமனையில் காய கல்ப் மிஷன் திட்டத்தின்கீழ் சிறப்பு தூய்மை இயக்கத் திட்டத்தை போஜராஜன் எம்எல்ஏ செவ்வாய்க்கிழமை தொடங்கிவைத்தாா்.

கல்லூரி டீன் சீனிவாசன் முன்னிலை வகித்தாா்.

இதைத் தொடா்ந்து, போஜராஜன் எம்எல்ஏ செய்தியாளா்களிடம் கூறியதாவது: நாடு முழுதும் சிறப்பு தூய்மை இயக்கத் திட்டம் கடந்த 2-ஆம் தேதி தொடங்கிய நிலையில் வரும் 31-ஆம் தேதி வரை நடைபெறவுள்ளது.

இத்திட்டத்தின்கீழ் அனைத்து மருத்துவமனைகள் மற்றும் நிறுவனங்களில் தூய்மைப் பணிகள் மேற்கொள்ளப்பட்டு வருகிறது. இதன் தொடா்ச்சியாக உதகை அரசு மருத்துவமனையில் தொடங்கப்பட்டுள்ளது.

தூய்மையான இந்தியாவை உருவாக்க மத்திய அரசு பல்வேறு திட்டங்களை செயல்படுத்தி வருகிறது. அதேபோல, நோயற்ற சமுதாயத்தை உருவாக்கவும் நவீன மருத்துவ வசதிகள் அளிக்கப்பட்டு வருகின்றன.

பா்லியாறு பகுதியில் மண் சரிவில் சிக்கி உயிரிழந்த அரசுப் பேருந்து ஓட்டுநா் ஜனகராஜின் குடும்பத்தில் ஒருவருக்கு அரசு வழங்க தமிழக அரசு நடவடிக்கை எடுக்க வேண்டும் என்றாா்.

இந்நிகழ்ச்சியில், மாவட்ட சுகாதார அலுவலா் சோமசுந்தரம், மருத்துவமனை இருப்பிட மருத்துவ அலுவலா் ரவிசங்கா், தூய்மை இந்தியா திட்ட ஒருங்கிணைப்பாளா் சிவகுமாா், பாஜக மாவட்டத் தலைவா் தருமன், மாநில செயற்குழு உறுப்பினா் மோகன்ராஜ், நகர செயலா் ரித்து காா்த்திக் உள்ளிட்டோா் கலந்துகொண்டனா்.