பூச்சி மேலாண்மை குறித்து அறிய தேயிலை வாரியம் சாா்பில் தட்ப வெப்ப நிலையம் அமைப்பு!

தேயிலை விவசாயத்தில் நவீன தொழில்நுட்பத்தைப் பயன்படுத்த தும்மனட்டி, கடக்கோடு கிராமங்களில் மகசூல், தரம், நோய் மற்றும் பூச்சி மேலாண்மை அறிய தட்ப வெப்ப நிலையம் அமைக்கப்பட்டுள்ளதாக தெரிவிக்கப்பட்டுள்ளது.

இதுதொடா்பாக தென்னிந்திய தேயிலை வாரிய செயல் இயக்குநா் பரணிகுமாா் வெளியிட்ட அறிக்கை:

நீலகிரி மாவட்டத்தில் உள்ள தும்மனட்டி, கடக்கோடு ஆகிய கிராமங்களில் உள்ள இரண்டு சிறு தேயிலை விவசாயக் குழுக்கள் தோ்ந்தெடுக்கப்பட்டு தேயிலையின் மகசூல், தரம், நோய் மற்றும் பூச்சி மேலாண்மை குறித்து அறியக் கூடிய வகையில் தட்ப வெப்ப நிலையம் அமைக்கப்பட்டுள்ளது. தேயிலை வாரியத்தின் முன்னோடி திட்டமான இத்திட்டம் தேயிலை வாரியம், அக்ரி ஃபோா்டல் வேளாண் தொழில்நுட்ப நிறுவனம் மற்றும் ஹாவுக்கல் தேயிலை தொழிற்சாலை ஆகியவற்றின் கூட்டாக இணைந்து செயல்படுத்தப்பட்டுள்ளது.

இத்திட்டத்தின் மூலமாக முப்பத்து முக்கோடி தேவாதி தேவா்கள் சிறு தேயிலை விவசாயிகள் சங்கம், ஹரி ஓம் சிறு தேயிலை விவசாயிகள் சங்கத்தின் உறுப்பினா்கள் பலனடைந்துள்ளனா்.

மேலும் பசுந்தேயிலை உற்பத்தியாளராக மட்டுமின்றி தேயிலை வாரியத்தின் சிறிய தேயிலை தொழிற்சாலை திட்டத்தின் மூலமாக, தாங்களே தேயிலைத் தூளை உற்பத்தி செய்து தேயிலை தொழிற்சாலை உற்பத்தியாளராகவும் சிறு தேயிலை விவசாயிகள் செயல்படலாம். அவ்வாறு சிறு தேயிலை விவசாய சங்கங்கள் மூலமாக உற்பத்தி செய்யப்படும் தேயிலைத் தூள் இந்திய தேயிலை வாரியத்தின் ‘டீ மாா்க்‘ சான்றிதழ் வழங்கப்பட்டு, தேயிலை வாரியத்தின் அதிகாரபூா்வ வணிக இணையதளமான ற்ங்ஹம்ஹழ்ந்ங்ற்ல்ப்ஹஸ்ரீங்.ண்ய் மூலமாக நேரடியாக சந்தைப்படுத்தப்படும் என்று குறிப்பிட்டுள்ளாா்.