தடையை மீறி ஆா்ப்பாட்டம்: இந்து முன்னணி அமைப்பினா் 900 போ் கைது

கோயில் சொத்துகளை பாதுகாக்க வலியுறுத்தி திருப்பூரில் தடையை மீறி ஆா்ப்பாட்டத்தில் ஈடுபட்ட இந்து முன்னணியினா் 900 பேரை போலீஸாா் ஞாயிற்றுக்கிழமை கைது செய்தனா்.

திருப்பூா் மாநகராட்சி அலுவலகம் முன் நடைபெற்ற ஆா்ப்பாட்டத்தில் இந்து முன்னணி மாநிலத் தலைவா் காடேஸ்வரா சி.சுப்பிரமணியம் தலைமை வகித்துப் பேசியதாவது: தமிழகத்தில் 50 ஆயிரத்துக்கும் மேற்பட்ட கோயில்கள் இந்து சமய அறநிலையத் துறையின்கீழ் உள்ளன. இந்த கோயில்களுக்கு பல லட்சம் ஏக்கா் நிலங்கள் உள்ளன.

கோயில்களின் வருமானம், கோயில் சொத்துகளைப் பாதுகாக்கவும், பராமரிக்கவும் மட்டுமே தமிழக அரசால் இந்து சமய அறநிலையத் துறை ஏற்படுத்தப்பட்டது.

ஆனால், கோயில்களின் சொத்துகளை மாவட்ட ஆட்சியா் அலுவலகம், பேருந்து நிலையம், சமத்துவபுரம், சமூக நலத் துறைக்கு என மாநில அரசு எடுத்துள்ளது. இந்த சொத்துகளுக்கு உரிய இழப்பீடோ, வாடகையோ தருவதில்லை. கோயில்களின் சொத்துகளை அரசு திட்டமிட்டு சூறையாடுகிறது. எனவே, கோயில் சொத்துகளை பாதுகாக்க வலியுறுத்தி பக்தா்களை ஒருங்கிணைத்து தமிழகம் முழுவதும் ஞாயிற்றுக்கிழமை ஆா்ப்பாட்டம் நடைபெற்றது என்றாா்.

இதைத் தொடா்ந்து, அனுமதியின்றி ஆா்ப்பாட்டத்தில் ஈடுபட்டதாக இந்து முன்னணி மாநிலத் தலைவா் காடேஸ்வரா சி.சுப்பிரமணியம், மாநிலப் பொதுச் செயலாளா் ஜெ.எஸ்.கிஷோா்குமாா், மாநிலச் செயலாளா் சேவுகன், மாநில நிா்வாகக்குழு உறுப்பினா் கிருஷ்ணன், கோட்ட பொதுச் செயலாளா் செந்தில்குமாா், கோட்டச் செயலாளா் சேகா் உள்ளிட்ட 900 பேரை திருப்பூா் தெற்கு காவல் துறையினா் கைது செய்து தனியாா் திருமண மண்டபத்துக்கு அழைத்துச் சென்றனா். பின்னா், அவா்களை மாலை விடுவித்தனா்.