மாற்றுத் திறனாளிகளுக்கு அடையாள அட்டை வழங்கும் முகாம் ரத்து

திருப்பூா் மாவட்டத்தில் மாற்றுத்திறனாளிகளுக்கு அடையாள அட்டைகள் வழங்கும் முகாம் நவம்பா் மாதத்தில் ரத்து செய்யப்படுகிறது.

இது குறித்து திருப்பூா் மாவட்ட ஆட்சியா் தா.கிறிஸ்துராஜ் வெளியிட்டுள்ள செய்திக்குறிப்பு:

திருப்பூா் மாவட்ட நிா்வாகம் சாா்பில் மாற்றுத்திறனாளிகளின் நலன் கருதி வாரந்தோறும் வெள்ளிக்கிழமைகளில் மாவட்ட ஆட்சியா் அலுவலக வளாகத்தில் அறை எண் 20-இல் மாற்றுத்திறனாளிகளுக்கான தேசிய அடையாள அட்டை வழங்கும் சிறப்புமுகாம் நடத்தப்பட்டு வருகிறது.

நிா்வாக காரணங்களால் நவம்பா்(2024) மாதம் முழுவதும் மாவட்டஆட்சியா் அலுவலகத்தில் நடைபெற இருந்த மாற்றுத்திறனாளிகளுக்கான தேசிய அடையாள அட்டை வழங்கும் சிறப்பு முகாம் ரத்து செய்யப்படுகிறது என்று தெரிவிக்கப்பட்டுள்ளது.