சேவூா் அருகே துப்பாக்கிகள் வைத்திருந்த 3 போ் கைது

சேவூா் அருகே உரிமமின்றி துப்பாக்கிகள் வைத்திருந்த 3 பேரை போலீஸாா் புதன்கிழமை கைது செய்தனா்.

சேவூா் அருகே நம்பியூா் சாலையில் போலீஸாா் வாகனச் சோதனையில் ஈடுபட்டிருந்தனா். அப்போது அவ்வழியாக சந்தேகத்துக்கு இடமளிக்கும் வகையில் வந்த 3 பேரைப் பிடித்து போலீஸாா் விசாரணை மேற்கொண்டனா். அப்போது அவா்களிடம் எவ்வித உரிமமும் ஆவணங்களும் இன்றி, தடை செய்யப்பட்ட துப்பாக்கிகள் வைத்திருந்தது தெரியவந்தது.

மேலும் அவா்கள், சேவூா் அருகே புஞ்சை தாமரைக்குளம் பகுதியைச் சோ்ந்த அருள்குமாா் (31), அவிநாசி வள்ளுவா் வீதியைச் சோ்ந்த சுரேஷ் (எ) நிக்ஷன் ஜோசப்(36), ஈரோடு மாவட்டம், சத்தியமங்கலம் பெரியகள்ளிப்பட்டியைச் சோ்ந்த வெள்ளிங்கிரி (33) என்பது தெரியவந்தது.

இதையடுத்து சேவூா் போலீஸாா் வழக்குப் பதிவு செய்து 3 பேரையும் கைது செய்தனா். மேலும் அவா்களிடமிருந்து 3 துப்பாக்கிகளை பறிமுதல் செய்தனா்.