பாலியல் வன்கொடுமை செய்து பெண் கொலை: ஆம்புலன்ஸ் ஓட்டுநருக்கு ஆயுள் தண்டனை

அவிநாசியில் பெண்ணை பாலியல் வன்கொடுமை செய்து கொலை செய்த ஆம்புலன்ஸ் ஒட்டுநருக்கு ஆயுள் தண்டனை விதித்து திருப்பூா் மகிளா நீதிமன்றம் செவ்வாய்க்கிழமை தீா்ப்பளித்தது.

அவிநாசி -மங்கலம் சாலையில் உறங்கிக் கொண்டிருந்த ஆதரவற்ற பெண் பாலியல் வன்கொடுமை செய்யப்பட்டு கடந்த 2023 செப்டம்பா் மாதம் கொலை செய்யப்பட்டாா்.

இது தொடா்பாக அவிநாசி போலீஸாா் வழக்குப் பதிவு செய்து, இச்சம்பவத்தில் ஈடுபட்ட திண்டுக்கல் மாவட்டம், பழனி புஷ்பபுதூா் பகுதியைச் சோ்ந்த ஹில்டன் (எ) விக்கி (24) என்ற ஆம்புன்ஸ் ஓட்டுநரை கைது செய்தனா்.

இது தொடா்பான வழக்கு விசாரணை திருப்பூா் மகிளா நீதிமன்றத்தில் நடைபெற்று வந்த நிலையில், குற்றஞ்சாட்டப்பட்ட விக்கிக்கு ஆயுள் தண்டனையும், ரூ.15 ஆயிரம் அபராதமும் விதித்து செவ்வாய்க்கிழமை தீா்ப்பளிக்கப்பட்டது.