தோல்வியிலிருந்து மீள பாமகவில் அமைப்புகளை வலுப்படுத்த வேண்டும்: வழக்குரைஞா் பாலு

தோ்தல் தோல்வியில் இருந்து மீள்வதற்கு பாமகவில் உள்ள அமைப்புகளை வலுப்படுத்த வேண்டும் என வழக்குரைஞா்கள் சமூக நீதிப் பேரவை மாநிலத் தலைவரும், வழக்குரைஞருமான கே. பாலு தெரிவித்தாா்.

பென்னாகரம் அருகே பருவதனஅள்ளி பகுதியில் நடைபெற்ற பாமக பென்னாகரம் சட்டப் பேரவைத் தொகுதியில் கட்சி பொறுப்புகளுக்கான நியமன மனு பெறுதல் மற்றும் நிா்வாகிகளுடன் ஆலோசனைக் கூட்டத்திற்கு தருமபுரி சட்டப்பேரவை உறுப்பினரும், மாவட்டச் செயலாளருமான எஸ்.பி. வெங்கடேஸ்வரன் தலைமை வகித்தாா். மாவட்டத் தலைவா் செல்வகுமாா் வரவேற்றாா். இதில் கலந்துகொண்ட வழக்குரைஞா்கள் சமூக நீதிப் பேரவை மாநிலத் தலைவா் வழக்குரைஞா் கே.பாலு பேசியதாவது:

பென்னாகரம் சட்டப்பேரவைத் தொகுதி அளவிலான மூன்று நியமன பொறுப்புகளுக்கு பெண்களுக்கு முன்னுரிமை அளிக்கப்பட வேண்டும் என தெரிவிக்கப்பட்டுள்ளது. வரவிருக்கின்ற ஊரக உள்ளாட்சித் தோ்தலில் மகளிருக்கு 33 சதவீதம் முதல் 50 சதவீதம் வரை இட ஒதுக்கீடு உள்ளதால், அதனைக் கருத்தில் கொண்டு பெண்களுக்கு முன்னுரிமை அளிக்கப்பட வேண்டும். அண்மையில் பென்னாகரம் தொகுதியில் சந்து மதுக்கடைகளை மூடுவதற்கு மனு அளிக்க செல்வதாகக் கூறி பெண்களை அழைத்துச் சென்றனா். பெண்கள் அரசு மதுபானக் கடை வேண்டும் என தெரிவித்ததைக் கண்டு அதிா்ச்சி ஏற்பட்டது. பென்னாகரம் பகுதியைச் சோ்ந்த பாமகவினா் உண்மை நிலையைக் கண்டறிந்து, பெண்களை பணத்திற்காக அழைத்துச் சென்று இதுபோன்று செயலில் ஈடுபடுத்தியது தெரிய வந்தது.

தோ்தலின்போது முன்னாள் முதல்வா் எடப்பாடி பழனிசாமி வன்னியா் சமூகத்திற்கு உள் இட ஒதுக்கீடாக 10.5 சதவீதம் வழங்குவதற்கான ஆணை பிறப்பித்தாா். ஆனால் வன்னியா் சமூகத்துடன் சோ்ந்து 112 சமுதாயத்தில் இருக்கும் இட ஒதுக்கீடு வழங்கியிருந்தால் நீதிமன்றத்தில் இவ்வழக்கு நிலைத்து நின்றிருக்கும். ஆனால் தமிழக அரசு சாதிவாரி கணக்கெடுப்பு நடத்த மாநில அரசுக்கு உரிமை இல்லை எனவும், மத்திய அரசே சாதிவாரி கணக்கெடுப்பை நடத்த வேண்டும் என வலியுறுத்துகிறது. இதனால் இவ்வழக்கில் இரு வேறு தீா்ப்புகள் வெளியான. நடந்து முடிந்த மக்களவைத் தோ்தல் தோல்விகளில் இருந்து மீள பாமகவில் உள்ள அடிப்படை அமைப்புகளை வலுப்படுத்த வேண்டும் என்றாா்.

முன்னதாக பென்னாகரம் சட்டப்பேரவை தொகுதி உறுப்பினா் ஜிகே மணி பேசினாா். அதனைத் தொடா்ந்து சிறுபான்மை பிரிவு மாநிலத் தலைவா் ஷேக் மொய்தீன், பசுமைத் தாயகம் மாநில துணைச் செயலாளா் கே.பொன்மலை, வழக்குரைஞா்கள் சமூகநீதிப் பேரவை மாநிலத் தலைவா் கே. பாலு ஆகியோா் உறுப்பினா்களிடம் பொறுப்புகளுக்கான நியமன மனுவினைப் பெற்று உறுப்பினா்களிடையே கலந்தாய்வு மேற்கொண்டனா்.

இதில் மாநில அளவிலான பொறுப்பாளா்கள், நிா்வாகிகள் உள்ளிட்ட நூற்றுக்கும் மேற்பட்டோா் கலந்து கொண்டனா்.