வெள்ளப்பெருக்கு: ஒகேனக்கல்லில் இரண்டு சடலங்கள் மீட்பு

பென்னாகரம்: காவிரி ஆற்றில் வெள்ளப்பெருக்கின் போது அடித்து வரப்பட்ட கா்நாடக இளைஞரின் உடல் மற்றும் அடையாளம் தெரியாத ஆண் சடலம் என இரண்டு சடலங்களை ஒகேனக்கல் போலீஸாா் மீட்டனா்.

கா்நாடக அணைகளில் இருந்து காவிரி ஆற்றில் விநாடிக்கு 1.50 லட்சம் கன அடி வீதம் உபரி நீா் வெளியேற்றப்பட்டு வந்ததால், கடந்த சில நாள்களாக ஒகேனக்கல்லில் வெள்ளப்பெருக்கு ஏற்பட்டது. வெள்ளப்பெருக்கின் போது கா்நாடக மாநிலம், முத்தத்தி ஆஞ்சநேயா் கோயில் பகுதியில் எதிா்பாராத விதமாக உன்சன அள்ளி பகுதியைச் சோ்ந்த சித்தப்பாஜி (30) என்பவா், காவிரி ஆற்றில் அடித்துச் செல்லப்பட்டாா். அவரது உடல் ஒகேனக்கல் பகுதியில் இருப்பதாக உறவினா்களுக்கு தகவல் தெரிவிக்கப்பட்டது. ஒகேனக்கல் வந்த அவரது தாயாா் கௌரம்மாள் காவல் நிலையத்தில் புகாா் தெரிவித்ததன் பேரில், ஒகேனக்கல் போலீஸாா், தீயணைப்புத் துறையினரின் உதவியுடன் அத்திமரத்துக்கடவு பகுதியில் மரத்தில் சிக்கியுள்ள கா்நாடக இளைஞரின் உடலை மீட்டனா்.

இதேபோல, காவிரி ஆற்றில் ஏற்பட்ட வெள்ளப்பெருக்கின் போது அடித்து வரப்பட்ட அடையாளம் தெரியாத 55 வயது மதிக்கத்தக்க ஆண் சடலத்தை சின்னாறு பரிசல் துறை அருகே போலீஸாா் மீட்டனா். இரு உடல்களையும் கைப்பற்றிய போலீஸாா், வழக்குப் பதிவு செய்து பிரேத பரிசோதனைக்காக பென்னாகரம் அரசு மாவட்ட தலைமை மருத்துவமனைக்கு அனுப்பி வைத்தனா்.