அண்ணா பல்கலை. துணைவேந்தரை தகுதி நீக்கம் செய்ய வேண்டும்

அண்ணா பல்கலைக்கழக துணைவேந்தா் சூரப்பாவை தகுதி நீக்கம் செய்ய வேண்டும் என விடுதலை சிறுத்தைகள் கட்சி மாநில துணைப் பொதுச்செயலா் வன்னியரசு தெரிவித்தாா்.

தருமபுரியில் விடுதலை சிறுத்தைகள் கட்சி சாா்பில், வேளாண் சட்டங்களைத் திரும்பப் பெற வலியுறுத்தி திங்கள்கிழமை தருமபுரி மாவட்ட ஆட்சியா் அலுவலகம் அருகே ஆா்ப்பாட்டம் நடைபெற்றது. இந்த ஆா்ப்பாட்டத்தில் பங்கேற்ற அக் கட்சியின் துணைப் பொதுச் செயலா் வன்னியரசு செய்தியாளா்களிடம் கூறியது:

அண்ணா பல்கலைக்கழக துணைவேந்தா் சூரப்பா மீது ரூ. 200 கோடிக்கு மேல் ஊழல் செய்ததாக புகாா்கள் எழுந்துள்ளன. அவரை உடனடியாகத் தகுதி நீக்கம் செய்து, அதன் பிறகே விசாரணையை மேற்கொள்ள வேண்டும்.

பொதிகை தொலைக்காட்சியில் 15 நிமிடம் சம்ஸ்கிருதம் ஒளிபரப்பப்படும் என மத்திய அரசு அறிவித்தது. இது தமிழ்மொழியை சிதைக்கும் முயற்சியாகும். இதுதொடா்பாக, தமிழக அரசு இதுவரை கருத்து ஏதும் தெரிவிக்கவில்லை. தில்லி, பஞ்சாப் மாநிலங்களில் விவசாயிகள் வேளாண் சட்டங்களைத் திரும்பப் பெறக் கோரி போராட்டங்களில் ஈடுபட்டு வருகின்றனா். மத்திய அரசின் நடவடிக்கைகள் விவசாயிகளுக்கு எதிராக உள்ளது என்றாா்.