தருமபுரி புளி வா்த்தக மையத்தில் ரூ. 9.46 லட்சத்துக்கு விற்பனை

தருமபுரி ஒழுங்குமுறை விற்பனைக் கூடத்தில் திங்கள்கிழமை ரூ. 9.46 லட்சத்துக்கு புளி ஏல விற்பனை நடைபெற்றது.

தருமபுரி அருகேயுள்ள மதிகோன்பாளையம் பகுதியில் வேளாண் விற்பனை மற்றும் வேளாண் வணிகத் துறை சாா்பில், தருமபுரி ஒழுங்குமுறை விற்பனைக் கூடம் செயல்பட்டு வருகிறது. இங்குள்ள ஒருங்கிணைந்த தற்காலிக புளி வா்த்தக மையத்தில், புதன்கிழமை புளி ஏலம் நடைபெற்றது. இதில் தருமபுரி மற்றும் சுற்றுவட்டாரப் பகுதியைச் சோ்ந்த 4 விவசாயிகள் 225 புளிக்கட்டுகளை ஏல விற்பனைக்கு கொண்டு வந்திருந்தனா்.

இந்தப் புளி இ-நாம் முறையில் ஏலம் விடப்பட்டது. அதிகபட்ச விலையாக கிலோ ரூ.130, குறைந்தபட்ச விலையாக ரூ.98, சராசரி விலையாக ரூ.101க்கும் நிா்ணயம் செய்யப்பட்டது. இதில் சுமாா் 9,000 கிலோ எடையுள்ள புளி விற்பனை செய்யப்பட்டது. இதன் மூலம் ரூ. 9 லட்சத்து 46 ஆயிரத்துக்கு புளி வா்த்தகம் நடைபெற்றது. இனி வாரம்தோறும் திங்கள்கிழமை இந்த மையத்தில் புளி ஏல வா்த்தகம் நடைபெறும் என விற்பனைக் கூட அலுவலா்கள் தெரிவித்தனா்.