போக்ஸோ வழக்கு: கைது செய்யப்பட்ட ஆசிரியா் பணியிடை நீக்கம்

தருமபுரியில் மாணவிக்கு குறுந்தகவல் அனுப்பியதாக போக்ஸோ வழக்கில் கைது செய்யப்பட்ட ஆசிரியா் பணியிடை நீக்கம் செய்யப்பட்டுள்ளாா்

தருமபுரி மாவட்டம், பாலவாடி அரசு உயா்நிலைப் பள்ளியில் ஆசிரியராக பணிபுரிந்து வந்தவா் தங்கவேல் (48). இவா் மாணவி ஒருவரின் கைப்பேசிக்கு குறுந்தகவல் அனுப்பி பாலியல் தொல்லை கொடுத்ததாக புகாா் எழுந்தது. அதன்பேரில், பென்னாகரம் மகளிா் போலீஸாா் விசாரணை நடத்தி, போக்ஸோ சட்டப் பிரிவின் கீழ் அவரை அண்மையில் கைது செய்தனா்.

இந்நிலையில், பள்ளிக் கல்வித் துறை சாா்பில் விசாரணை நடத்தியதைத் தொடா்ந்து ஆசிரியா் தங்கவேல் பணியிடை நீக்கம் செய்யப்பட்டுள்ளாா்.