நேதாஜி பிறந்தநாள் விழா

தமிழக மக்கள் தன்னுரிமை கட்சி சார்பில்  நாமக்கல்லில் நேதாஜி சுபாஷ் சந்திரபோஸ் பிறந்தநாள் விழா புதன்கிழமை கொண்டாடப்பட்டது.
இந்த நிகழ்ச்சிக்கு அவைத் தலைவர் மருத்துவர் எழில்செல்வன் தலைமை வகித்தார்.  நாமக்கல் நகரச் செயலர் விஜய்சேகர் வரவேற்றார்.
இதையொட்டி நாமக்கல் பிரதான சாலையில் உள்ள நேதாஜி சிலைக்கு மாலை அணிவித்து மரியாதை செலுத்தினர். பின்னர் பொதுமக்களுக்கு இனிப்பு வழங்கப்பட்டது.  இதில் கட்சியின் நிறுவன தலைவர் நல்வினை செல்வன், மாநில பொருளாளர் முத்துசாமி, தலைமை அமைப்பாளர் தமிழ்வாணன்,  மாவட்டத் தலைவர் ராஜேஷ் உள்பட கட்சி நிர்வாகிகள் பங்கேற்றனர்.