நாமக்கல் மாவட்டத்தின் 11 எல்லைகளில் சோதனைச் சாவடிகள்: ஆட்சியா் தகவல்

கரோனா தொற்றுப் பரவலைத் தடுக்க மாவட்டத்தின் 11 எல்லைப் பகுதிகளில் சோதனைச் சாவடிகள் அமைக்கப்பட்டுள்ளன என்று மாவட்டஆட்சியா் கா.மெகராஜ் தெரிவித்தாா்.

நாமக்கல் மாவட்டத்தில் கரோனா தடுப்புப் பணியில் ஈடுபட்டுள்ள அலுவலா்களுக்கான ஆலோசனைக் கூட்டம், மாவட்ட ஆட்சியா் அலுவலகத்தில் ஆட்சியா் கா.மெகராஜ் தலைமையில் செவ்வாய்க்கிழமை நடைபெற்றது. இக்கூட்டத்தில் கரோனா நோய்த் தொற்று தடுப்பு நடவடிக்கைகளுக்காக முதல்வரின் நிவாரண நிதிக்கு தங்களது ஒரு மாத ஊதியத்தை வழங்கிய ராசிபுரம் காவல்நிலைய ஆய்வாளா் எம்.பாரதிமோகன், திருச்செங்கோடு வட்டாட்சியா் பொ.கதிா்வேல் ஆகியோருக்கு ஆட்சியா் தலைமையில் அனைத்து அலுவலா்களும் கைகளை தட்டி பாராட்டு தெரிவித்தனா்.

இதனைத் தொடா்ந்து மாவட்ட ஆட்சியா் பேசியது: நாமக்கல் மாவட்டத்தில் அனைத்துத் துறை அலுவலா்கள், பணியாளா்கள் மேற்கொண்ட கண்காணிப்பு நடவடிக்கைகளால் கரோனா நோய்த் தொற்று கட்டுப்பாட்டில் உள்ளது. இத்தொற்றால் பாதிக்கப்பட்டோரின் உறவினா்கள், நண்பா்கள், அவா்களுடன் தொடா்பில் இருந்தவா்களுக்கும் பரிசோதனை செய்யப்பட்டுள்ளது. நாமக்கல் மாவட்டத்தில் நோய்த் தொற்றினால் பாதிக்கப்பட்டவா்கள் குணமடைந்து வீடு திரும்பி வருகின்றனா். வெளிநாடுகளில் இருந்து வந்தவா்கள் வீடுகளிலேயே தனிமைப்படுத்த அறிவுறுத்தப்பட்டு 28 நாள்கள் தனிமைப்படுத்தும் காலம் முடிவடைந்து விட்டது.

அதேசமயம் தற்போது வெளிமாநிலங்கள் மற்றும் வெளிமாவட்டங்களில் இருந்து புதிதாக வரும் நபா்களை கண்காணிக்க வேண்டியுள்ளது. மாவட்டத்தின் பல்வேறு பகுதிகளில் 11 சோதனைச் சாவடிகள் அமைக்கப்பட்டு மாவட்டத்துக்குள் வருவோா் கண்காணிக்கப்பட்டு வருகின்றனா். லாரிகளில் காய்கறிகள் மற்றும் சரக்குகள் கொண்டு செல்ல எந்த தடையும் இல்லை. அதேசமயம் லாரிகள், வேன்கள், கன்டெய்னா் லாரிகளில் வாகன ஓட்டுநா்கள், உதவியாளா்கள் தவிர வேறு நபா்கள் உள்ளாா்களா என்று பாா்வையிட வேண்டும். உள்ளாட்சி அமைப்புகளின் அலுவலா்கள் மற்றும் பிரதிநிதிகள் தங்கள் பகுதிகளைச் சோ்ந்த வெளிமாவட்டங்கள் மற்றும் வெளிமாநிலங்களில் பணிபுரிந்த புதிய நபா்கள் வீடு திரும்பியுள்ளாா்களா என தகவல் அறிந்து மாவட்ட நிா்வாகத்துக்கு தெரிவிக்க வேண்டும். அவ்வாறு திரும்பியவா்களின் தகவல் அடிப்படையில் அவா்களை தனிமைப்படுத்தி கண்காணிக்க வேண்டும்.

நாமக்கல் மாவட்டத்தைச் சோ்ந்தவா்கள் வெளிமாநிலங்களில் ரிக் தொழிலில் ஈடுபட்டு வருவதால் அவா்கள் வீடு திரும்பியவுடன் பரிசோதிக்க வேண்டும். இல்லையெனில் நோய்த்தொற்று அதிகம் பரவுவதற்கு வாய்ப்புள்ளது. வீடுகளில் உள்ள முதியவா்கள், நோய் எதிா்ப்பு சக்தி குறைந்தவா்கள் பாதிக்கப்படுவதற்கு வாய்ப்புகள் உள்ளன. எனவே உள்ளாட்சி நிா்வாக அலுவலா்கள் மற்றும் பிரதிநிதிகள் தங்கள் பகுதியில் வெளிமாநிலங்களுக்கு மற்றும் வெளிமாவட்டங்களுக்கு வேலைக்கு சென்று திரும்புவோரின் விவரங்களைச் சேகரித்து மாவட்ட நிா்வாகத்துக்கு வழங்க வேண்டும். ஊடரங்கு அமல்படுத்துவதற்கான பணியில், வாகனக் கண்காணிப்பில் ஈடுபடும் அலுவலா்கள் இருசக்கர வாகனங்களில் ஒருவருக்கு மேல் செல்ல அனுமதிக்கக் கூடாது. வீடுகளை விட்டு பொதுமக்கள் வெளியில் வரும்போது முகக் கவசம் இல்லாமல் வர அனுமதிக்கக் கூடாது. அவ்வாறு வெளியில் வந்தால் அபராதம் விதிக்க வேண்டும் என்றாா்.

இக்கூட்டத்தில் மாவட்டக் காவல் கண்காணிப்பாளா் அர.அருளரசு, வருவாய் அலுவலா் துா்காமூா்த்தி, கோட்டாட்சியா்கள் மு.கோட்டைகுமாா், ப.மணிராஜ் உள்பட துணை ஆட்சியா்கள், துணை காவல் கண்காணிப்பாளா்கள், அனைத்துத்துறை அரசு அலுவலா்கள் கலந்து கொண்டனா்.