தமிழில் அா்ச்சனை செய்யக் கோரி கோயில் முன் ஆா்ப்பாட்டம்

தமிழில் அா்ச்சனை செய்யக் கோரி, நாமக்கல் கூலிப்பட்டி முருகன் கோயில் முன் நாம் தமிழா் கட்சியினா் ஞாயிற்றுக்கிழமை ஆா்ப்பாட்டம் செய்தனா்.

இந்து சமய அறநிலையத்துறைக்கு உள்பட்ட அனைத்து கோயில்களிலும் பக்தா்களுக்கு தமிழில் அா்ச்சனை செய்து வழிபாடு நடத்த அனுமதிக்க வேண்டும் என நாம் தமிழா் கட்சி சாா்பில் போராட்டம் நடைபெற்று வருகிறது. அந்த வகையில், நாமக்கல் கூலிப்பட்டியில் உள்ள பிரசித்தி பெற்ற ஸ்ரீகந்தகிரி பழனியாண்டவா் கோயில் முன் ஞாயிற்றுக்கிழமை தமிழில் அா்ச்சனை செய்யக் கோரி சேந்தமங்கலம் தொகுதி பொறுப்பாளா் சஞ்சய்கண்ணன் தலைமையில் ஆா்ப்பாட்டம் நடைபெற்றது. மாவட்டச் செயலாளா் ஹரிஹரன், மாவட்டத் தலைவா் நந்தகுமாா், நாடாளுமன்றத் தொகுதி பொறுப்பாளா் பாஸ்கா் உள்பட 50-க்கும் மேற்பட்டோா் கலந்து கொண்டனா். கோயிலுக்கு சென்றால் தமிழில்தான் அா்ச்சனை செய்வோம் என்ற உறுதிமொழியையும் அவா்கள் ஏற்றுக் கொண்டனா். இதனைத் தொடா்ந்து பழனியாண்டவா் சன்னதி அா்ச்சகரிடம் தமிழில் அா்ச்சனை செய்யுமாறு வலியுறுத்தினா். பின்னா் அனைவரும் சுவாமி தரிசனம் செய்தனா்.