ராசிபுரம் ரோட்டரி சங்கத்துக்கு சிறந்த சங்கத்துக்கான விருது

ராசிபுரம் ரோட்டரி சங்கத்துக்கு 2025-26-ஆம் ஆண்டின் சிறந்த ரோட்டரி சங்கத்துக்கான விருது உள்ளிட்ட 38 விருதுகள் கிடைத்துள்ளன.

சேலத்தில் ரோட்டரி மாவட்டம்-2982 சாா்பில் ‘வாகை சூடவா’ என்ற தலைப்பில் விருதுகள் வழங்கும் விழா அண்மையில் நடைபெற்றது. ரோட்டரி மாவட்ட ஆளுநா் பி.சிவசுந்தரம், நிகழ்ச்சியின் தலைவா் கே.நல்லுசாமி ஆகியோா் தலைமையில் நடைபெற்ற இவ்விழாவில், துபாய் கான் மீடியா சிட்டி நிறுவனத்தின் தலைவா் மொகமத் கான், திரைப்பட நடிகா் ரோஷினி பிரகாஷ் ஆகியோா் சிறப்பு விருந்தினா்களாக பங்கேற்று, மாவட்டத்தில் சிறந்த சேவையாற்றிய சங்கங்களுக்கு விருது வழங்கி கெளரவித்தனா்.

இதில் ராசிபுரம் ரோட்டரி சங்கத்துக்கு சிறந்த சங்கத்திற்கான விருது, சிறந்த தலைவருக்கான விருது, சங்கத்தின் நிா்வாகி டி.பி.வெங்கடாசலபதிக்கு சிறந்த ரொட்டேரியன் விருது, மாவட்ட நிா்வாகி என்.பி.ராமசாமிக்கு சிறந்த பயிற்சியாளா் விருது என மொத்தம் 38 விருதுகள் வழங்கி பாராட்டப்பட்டனா். ரோட்டரி சங்கத்தின் சிறந்த தலைவா் விருதை பெற்ற இ.என். சுரேந்திரனுக்கு பலரும் வாழ்த்து தெரிவித்தனா். விருது வழங்கும் விழாவில் ரோட்டரி சங்கத்தின் உதவி ஆளுநா் எஸ்.அன்பழகன், நிா்வாகிகள் டாக்டா் எம்.ராமகிருஷ்ணன், கே.எஸ்.கருணாகர பன்னீா்செல்வம், கே.குணசேகா், எல்.முருகானந்தம், ஆா்.அனந்தகுமாா், கதிரேசன், ரங்கராஜன், மஸ்தான், எஸ்.முரளி, ஜே.கே.சுரேஷ் உள்ளிட்டோா் பங்கேற்றனா்.