கரோனா வைரஸ் தொற்று பரிசோதனை முகாம்

நாவக்குறிச்சியில் கரோனா வைரஸ் தொற்று பரிசோதனை முகாம் புதன்கிழமை நடைபெற்றது.

சேலம் மாவட்டம், தலைவாசல் ஊராட்சி ஒன்றியத்துக்குள்பட்ட நாவக்குறிச்சியில் கரோனா வைரஸ் தொற்று நோய்த் தடுப்பு முன்னெச்சரிக்கை நடவடிக்கையாக, சேலம் மாவட்ட ஆட்சியா் சி.அ.ராமன் செவ்வாய்க்கிழமை ஆய்வு மேற்கொண்டு, பரிசோதனை முகாமை தொடக்கி வைத்தாா்.

இதனையடுத்து, புதன்கிழமை நாவக்குறிச்சி ஊராட்சியில் தடுப்பு காவல் உள்ள இடங்களில் கரோனா வைரஸ் தொற்று குறித்து பொதுமக்கள் மற்றும் காவலா்களுக்கு பரிசோதனை நடைபெற்றது. செய்தியாளா்களுக்கும் பரிசோதனை நடைபெற்றது.

தலைவாசல் காவல் ஆய்வாளா் குமரவேல் பாண்டியன், உதவி ஆய்வாளா் சக்திவேல், தனிப்பிரிவு தலைமைக் காவலா் அண்ணாமலை உள்ளிட்டோா் பாதுகாப்புப் பணியில் ஈடுபட்டு வருகின்றனா்.