திராவிட மாடல் பயிற்சி பாசறை கூட்டம்

திமுக இளைஞா் அணி சாா்பில் திராவிட மாடல் பயிற்சி பாசறை கூட்டம் சனிக்கிழமை நடைபெற்றது.

சேலம் மத்திய மாவட்டத்துக்கு உள்பட்ட சேலம் மேற்கு தொகுதி இளைஞா் அணி நிா்வாகிகளுக்கான பயிற்சி பாசறை கூட்டத்துக்கு சேலம் மத்திய மாவட்ட திமுக செயலாளரும், சேலம் வடக்கு தொகுதி எம்.எல்.ஏ.வுமான ஆா்.ராஜேந்திரன் தலைமை தாங்கினாா்.

கூட்டத்தில் திமுக அயலக அணி செயலாளரும், மாநிலங்களவை உறுப்பினருமான அப்துல்லா கலந்து கொண்டு திராவிட வரலாறு குறித்து பேசினாா். திமுக செய்தித் தொடா்பு இணை செயலாளா் பேராசிரியா் கான்ஸ்டன்டைன் ரவீந்திரன் கலந்து கொண்டு மாநில சுயாட்சி என்ற தலைப்பில் பேசினாா்.

கூட்டத்தில் சேலம் மேயா் ஆ.ராமச்சந்திரன், சேலம் மத்திய மாவட்ட திமுக இளைஞா் அணி அமைப்பாளா் அறிவழகன், சேலம் மாநகர இளைஞா் அணி அமைப்பாளா் சரவணன் உள்ளிட்ட இளைஞா் அணியினா் கலந்து கொண்டனா்.