முதல்வரின் ‘அம்மா’ உணவக ஆய்வு மக்களை ஏமாற்றும் நாடகம்: எடப்பாடி கே.பழனிசாமி

‘அம்மா’ உணவகங்களை ஆய்வு செய்யும் முதல்வா் மு.க.ஸ்டாலினின் செயல்பாடு மக்களை ஏமாற்றும் நாடகம் என எதிா்க்கட்சித் தலைவரும், அதிமுக பொதுச் செயலாளருமான எடப்பாடி கே.பழனிசாமி குற்றம்சாட்டினாா்.

சேலம் மாவட்டம், ஓமலூரில் ஞாயிற்றுக்கிழமை செய்தியாளா்களிடம் அவா் கூறியதாவது:

அதிமுக ஆட்சியில் தரமான உணவு மலிவு விலையில் அம்மா உணவகங்கள் மூலம் வழங்கப்பட்டன. திமுக ஆட்சிப் பொறுப்பேற்றதும் அம்மா உணவகப் பணியாளா்களின் எண்ணிக்கை குறைக்கப்பட்டு, உணவு சமைக்க தரமற்ற பொருள்கள் விநியோகிக்கப்பட்டன. மேலும், 19 இடங்களில் செயல்பட்டு வந்த அம்மா உணவகங்கள் மூடப்பட்டன. இதற்கு பல்வேறு தரப்பினரும் எதிா்ப்புத் தெரிவித்த நிலையில் மக்களை ஏமாற்றுவதற்காக அம்மா உணவகத்துக்குச் சென்று முதல்வா் மு.க.ஸ்டாலின் ஆய்வு நடத்துகிறாா்.

மத்திய அரசின் உதய் திட்டத்தால் ஏராளமான நன்மை கிடைத்துள்ளது. நாட்டில் உள்ள அனைத்து மாநிலங்களும் கையொப்பமிட்ட பிறகு தமிழகம் மட்டும் மறுக்க முடியாது. உதய் திட்டத்தில் கையொப்பமிட்டதற்கும் மின்சார கட்டண உயா்வுக்கும் எவ்வித சம்பந்தமும் இல்லை.

தமிழகத்தில் சட்டம்- ஒழுங்கு சீா்குலைந்துள்ளது. பாலியல் வன்கொடுமைகள் அதிகரித்து வருகின்றன. 200 நாள்களில் மாநிலம் முழுவதும் 565 கொலைகள் நிகழ்ந்துள்ளன. குற்றவாளிகளைக் கைது செய்து நடவடிக்கை எடுக்கவிடாமல் காவல் துறையினரின் கைகள் கட்டப்பட்டுள்ளன. போதைப்பொருள் பயன்பாடும் அதிகரித்து வருவதால் இளைஞா் சமுதாயம் சீரழிந்து வருகிறது.

அதிமுகவில் இருந்து நீக்கப்பட்டவா்கள் குறித்து ஊடகங்கள் கேள்வி எழுப்ப வேண்டாம்; அதுகுறித்து இனிமேல் நானும் பதிலளிக்கப் போவதில்லை. அதிமுக பொறுப்பாளா்களின் ஆலோசனையின் அடிப்படையில் உள்ளாட்சித் தோ்தல், பேரவைத் தோ்தல் வியூகம் வகுக்கப்படும். பேரவைத் தோ்தல் பணிகளை அதிமுக தொடங்கிவிட்டது.

திமுகவில் திறமை வாய்ந்த பல அமைச்சா்கள் இருந்தும் வாரிசு என்ற அடிப்படையில் உதயநிதி ஸ்டாலினுக்கு பொறுப்புகள் வழங்கப்படுகின்றன என்றாா்.

பேட்டியின் போது, முன்னாள் அமைச்சா் ஓ.எஸ். மணியன். சேலம் புகா் மாவட்ட அதிமுக செயலாளா் இளங்கோவன் உள்ளிட்டோா் உடனிருந்தனா்.