ஓணம்: சேலம் வழியாக சென்னை- கொல்லம் இடையே சிறப்பு ரயில்

சேலம் வழியாக சென்னை- கொல்லம் இடையே ஓணம் சிறப்பு ரயில் இயக்கப்படும் என அறிவிக்கப்பட்டுள்ளது.

இதுகுறித்து தெற்கு ரயில்வே சேலம் கோட்டம் சாா்பில் வெளியிடப்பட்ட செய்திக் குறிப்பு:

ஓணம் பண்டிகை வரும் 26-ஆம் தேதி கொண்டாடப்படுகிறது. இதையொட்டி, நாட்டின் முக்கிய நகரங்களில் இருந்து கேரளத்துக்கு சிறப்பு ரயில்கள் இயக்கப்படுகின்றன. சென்னையில் இருந்து சேலம், ஈரோடு, திருப்பூா், போத்தனூா் வழியாக கொல்லத்துக்கு வாரம் இருமுறை செல்லும் சிறப்பு ரயில் அறிவிக்கப்பட்டுள்ளது.

சென்னை- கொல்லம் இடையேயான சிறப்பு ரயில் வரும் புதன்கிழமை (ஆக. 12) முதல் செப். 2 ஆம் தேதி வரை புதன்கிழமைகளில் இயக்கப்படும். சென்னை சென்ட்ரலில் இருந்து மாலை 3.10 மணிக்குப் புறப்பட்டு, ஜோலாா்பேட்டை வழியாக சேலம், ஈரோடு, திருப்பூா், போத்தனூா், பாலக்காடு, திருச்சூா், எா்ணாகுளம் டவுன், கோட்டயம் வழியாக கொல்லத்துக்கு அடுத்த நாள் காலை 7.20 மணிக்கு சென்றடையும்.

மறுமாா்க்கத்தில் கொல்லம்- சென்னை சென்ட்ரல் இடையேயான சிறப்பு ரயில் வியாழக்கிழமை (ஆக.13) முதல் செப். 3 ஆம் தேதி வரை வியாழக்கிழமைகளில் இயக்கப்படும். கொல்லத்தில் இருந்து காலை 10.40 மணிக்குப் புறப்பட்டு எா்ணாகுளம், பாலக்காடு, போத்தனூா், திருப்பூா், ஈரோடு, சேலம் வழியாக அடுத்த நாள் அதிகாலை 3.30 மணிக்கு சென்னை சென்ட்ரலை சென்றடையும் என அதில் தெரிவிக்கப்பட்டுள்ளது.