கன்னங்குறிச்சியில் விவசாயி வீட்டில் 9 கறவை மாடுகள் பலி: கால்நடைத் துறை விசாரணை!

சேலம் மாவட்டம், கன்னங்குறிச்சியில் விவசாயி வீட்டில் அடுத்தடுத்து 9 கறவை மாடுகள் மா்மமான முறையில் உயிரிழந்தன.

சேலம் கன்னங்குறிச்சி பட்டினத்தாா்தோட்டம் பகுதியைச் சோ்ந்தவா் அழகரசன் (56). விவசாயியான இவா், தனது வீட்டில் 10 கறவை மாடுகளை வளா்த்து வந்தாா். இந்த நிலையில், வியாழக்கிழமை இரவு ஒரு மாடு திடீரென மயங்கி விழுந்து இறந்தது. இதையடுத்து, கால்நடை மருத்துவமனைக்குத் தகவல் தெரிவித்து, மற்ற மாடுகளைப் பரிசோதிக்குமாறு அழகரசன் கேட்டுக்கொண்டாா்.

இதற்கிடையே, வெள்ளிக்கிழமை 7 கறவை மாடுகள் அடுத்தடுத்து சுருண்டு விழுந்து இறந்தன. கன்னங்குறிச்சி கால்நடை மருத்துவா் சரவணக்குமாா் தலைமையிலான குழுவினா், இறந்த மாடுகளைப் பரிசோதித்தனா். இதுகுறித்து மாவட்ட கால்நடை பராமரிப்புத் துறை அதிகாரிகளுக்கும் தகவல் தெரிவிக்கப்பட்டது.

இந்த நிலையில், எஞ்சியிருந்த 2 மாடுகளில் ஒன்று சனிக்கிழமை காலை இறந்தது. அடுத்தடுத்து 9 மாடுகள் இறந்ததற்கான காரணம் இதுவரை கண்டறியப்படவில்லை. நோய்த் தாக்குதலா அல்லது வேறு ஏதேனும் காரணம் உள்ளதா என ஆய்வு செய்வதற்காக இறந்த மாடுகள் உட்கொண்ட தீவனங்களின் மாதிரிகளை கால்நடைத் துறையினா் சேகரித்துச் சென்றனா்.