கிணற்றில் தவறி விழுந்த விவசாயி சாவு

விருதுநகர், அக். 8: விருதுநகர் அருகே கிணற்றில் தவறி விழுந்த விவசாயி வெள்ளிக்கிழமை இரவு இறந்தார்.

 விருதுநகர் அருகே பாவாலி கிராமத்தைச் சேர்ந்தவர் போஸ் (55). விவசாயியான இவர் தோட்டப்பகுதியில் ஆடு, மாடுகளை மேயவிட்டு வீட்டுக்குத் திரும்பினார்.

 மாலையில் நீண்ட நேரமாகியும் மேய்ச்சலுக்கு சென்ற ஆடு, மாடுகள் வீடு திரும்பவில்லையாம். எனவே இரவில் அவற்றை தேடிச் சென்றாராம்.

 அப்போது காலனி குடியிருப்பு அருகே கடந்து செல்கையில் கிணற்றில் தவறி விழுந்து நீரில் மூழ்கி இறந்தார்.

 விருதுநகர் தீயணைப்பு வீரர்கள் சடலத்தை மீட்டு அரசு மருத்துவமனைக்கு பிரேத பரிசோதனைக்கு அனுப்பி வைத்தனர்.

 இதுகுறித்து ஆமத்தூர் போலீஸôர் வழக்குப் பதிவு செய்து விசாரித்து வருகின்றனர்.