திமுக கூட்டணி பிளவுபடுவதைத் தடுக்க முடியாது: முன்னாள் அமைச்சா் செல்லூா் கே. ராஜூ

திமுக கூட்டணி என்ற கப்பலில் ஓட்டை ஏற்பட்டுவிட்டது. எனவே, இந்தக் கூட்டணி பிளவுப்படுவதை இனி எவராலும் தடுக்க முடியாது என முன்னாள் அமைச்சா் செல்லூா் கே. ராஜூ தெரிவித்தாா்.

மதுரையில் ஞாயிற்றுக்கிழமை செய்தியாளா்களைச் சந்தித்த அவா் மேலும் கூறியதாவது: காவல் துறையினா், அரசுத் துறை அலுவலா்கள் நோ்மையாகவும், சுதந்திரமாகவும் பணியாற்ற அனுமதிக்கப்பட வேண்டும். ஆனால், திமுக அரசு அதற்கு வாய்ப்பளிப்பதில்லை.

அண்ணா பல்கலைக்கழக மாணவி பாலியல் வன்கொடுமைக்கு உள்ளாக்கப்பட்டதில் ஞானசேகரனுக்கு மட்டுமே தொடா்பு என சென்னை காவல் ஆணையா் பேட்டி அளித்தது அரசின் அழுத்தம் காரணமாகதான் இருக்கும்.

திமுக ஆட்சியில் பாலியல் குற்றங்கள் தொடா்ந்து அதிரிக்கின்றன. இதில், குற்றஞ்சாட்டப்படுவோரில் பெரும்பாலோனா் திமுகவினராகவே உள்ளனா்.

திமுக கூட்டணியில் உள்ள அரசியல் கட்சிகளே தற்போது திமுகவை விமா்சிக்கத் தொடங்கியுள்ளன. மாா்க்சிஸ்ட் கட்சியின் மூத்த தலைவா்களில் ஒருவரான கே.பாலகிருஷ்ணன், திமுக அரசின் அடக்குமுறை நடவடிக்கைகளுக்கு எதிராக குரல் எழுப்பியுள்ளாா்.

இந்திய கம்யூனிஸ்ட் கட்சி மாநிலச் செயலா் முத்தரசனும் அரசின் குறைகளைச் சுட்டிக்காட்டினாா். அயல்நாடு சென்று திரும்பியதும் திருமாவளவனும் தனது கண்டனத்தை அரசுக்குத் தெரிவிப்பாா். திமுக கூட்டணி என்ற கப்பலில் ஓட்டை ஏற்பட்டுவிட்டது. இனி, அது பிளவுப்படுவதை எவராலும் தடுக்க முடியாது.

திமுக அரசின் குறைகளை மாா்க்சிஸ்ட் தலைவா் கே. பாலகிருஷ்ணன் சுட்டிக்காட்டியது தொடா்பாக ஒரு அமைச்சா் கருத்துத் தெரிவிக்கையில், அவா்களுக்கு (மாா்க்சிஸ்ட்) தேவையானதை கேட்டுப் பெற்றுக் கொள்ளட்டும் எனக் கூறியுள்ளாா்.

இது, மாா்க்சிஸ்ட் கம்யூனிஸ்ட் கட்சியை இழிவுப்படுத்துவதாக உள்ளது. திமுக அரசு மக்கள் நம்பிக்கையை இழந்துவிட்டது. திமுக கூட்டணியில் இடம் பெறும் கட்சிகள் மக்களின் எதிா்ப்பலையை எதிா்கொள்ள வேண்டியிருக்கும் என்றாா் அவா்.

முன்னதாக, ஆா்.ஜே. தமிழ்மணி அறக்கட்டளை சாா்பில், மதுரை விளாங்குடியில் நடைபெற்ற மருத்துவ முகாமை செல்லூா் கே.ராஜூ தொடங்கிவைத்தாா்.