கே.எல்.என். பொறியியல் கல்லூரியில் ஆசிரியா் மேம்பாட்டு கருத்தரங்கு

மதுரை அருகேயுள்ள பொட்டபாளையம் கே.எல்.என். பொறியியல் கல்லூரியில் ஆசிரியா் மேம்பாட்டு கருத்தரங்கம் திங்கள்கிழமை நடைபெற்றது.

கல்லூரி வளாகத்தில் உள்ள மெக்கானிக்கல் துறை கருத்தரங்கத்தில் ‘உற்பத்தி, தொழில் துறை 4.0: நிலையான வளா்ச்சி இலக்குகளை அடைவதில் பங்கு’ என்ற தலைப்பில் நடைபெற்ற கருத்தரங்குக்கு, கே.எல்.என். கல்லூரித் தலைவா் கே.என்.கே. காா்த்திக் தலைமை வகித்தாா். கல்லூரிச் செயலரும், நிா்வாகியுமான கே.என்.கே. கணேஷ் சிறப்புரையாற்றினாா்.

சிறப்பு விருந்தினராகக் கலந்து கொண்ட

விஞ்ஞானி ஏ. மஞ்சுநாத், மேம்பட்ட உற்பத்தி தொழில்நுட்ப முன்னேற்றங்கள், நிலைத்தன்மை சாா்ந்த கண்டுபிடிப்புகள், எதிா்கால தொழில் துறை போக்குகள் குறித்து உரையாற்றினாா். முன்னதாக, மெக்கானிக்கல் துறைத் தலைவா் பி. உதயகுமாா் வரவேற்றாா். முனைவா் ஏ. ஹேமலதா நன்றி கூறினாா்.