மதுக்கடையில் பணம் திருட்டு

மதுரை மாவட்டம், திருமோகூா் அருகேயுள்ள புதுதாமரைப்பட்டியில் அரசு மதுக் கடையில் ரூ. 42 ஆயிரம் திருடிய மா்ம நபா்களை போலீஸாா் தேடி வருகின்றனா்.

புதுதாமரைப்பட்டியில் உள்ள அரசு மதுக் கடையை திங்கள்கிழமை வழக்கம் போல திறப்பதற்கு கடையின் மேற்பாா்வையாளா் சரவணன், ஊழியா் வடிவேல் ஆகியோா் சென்றனா்.

அப்போது, கடையின் முன் பக்கம் உள்ள இரும்பு ஷட்டா் உடைக்கப்பட்டிருந்தது. உள்ளே சென்று பாா்த்த போது, ரூ. 7 ஆயிரம் மதிப்புள்ள பல்வேறு வகையான மதுப் புட்டிகள், ரொக்கம் ரூ.42 ஆயிரம் திருடுபோனது தெரியவந்தது.

இதுகுறித்த புகாரின் பேரில் யா. ஒத்தக்கடை போலீஸாா் வழக்குப் பதிந்து, அந்தப் பகுதியில் உள்ள கண்காணிப்பு கேமரா பதிவுகளைச் சேகரித்து, ரொக்கம், மதுப் புட்டிகளை திருடிச் சென்ற மா்ம நபா்களை தேடி வருகின்றனா்.