ஒட்டன்சத்திரம் அருகே சீரடி சாய்பாபா கோயில் கும்பாபிஷேகம்

ஒட்டன்சத்திரத்தை அடுத்துள்ள சாமியார்புதூரில் சீரடி சாய்பாபா கோயில் கும்பாபிஷேக விழா வியாழக்கிழமை நடைபெற்றது.
  திண்டுக்கல் மாவட்டம் ஒட்டன்சத்திரம் அடுத்துள்ள சாமியார்புதூரில் சனா தன சாய்பாபா தர்ம டிரஸ்ட் சார்பில் சீரடி சாய்பாபா கோயில் திருப்பணிகள் நிறைவடைந்த நிலையில்,  கும்பாபிஷேக விழா நடைபெற்றது. இந்த விழாவிற்கு சீரடி அச்சுதானந்தன் சாய் தலைமை வகித்தார். இதற்கான ஏற்பாடுகளை சனா தன சாய்பாபா தர்ம டிரஸ்ட்  நிர்வாக அறங்காவலர் சாய் மணிகண்டன், செயலாளர் சாய் கார்த்திகேயன், பொருளாளர் சூர்யா ஆகியோர் செய்திருந்தனர். விழாவில் சாமியார்புதூர் ஊர்த் தலைவர் திருமலைசாமி, கனகராஜ் மற்றும் ஏராளமான பொதுமக்கள் கலந்து கொண்டனர்.