நீதிபதி சந்துரு அறிக்கையை ஏற்கக் கூடாது: பாா்வா்டு பிளாக் கட்சி

கள்ளா் பள்ளிகள் குறித்து நீதிபதி சந்துரு பரிந்துரைத்த அறிக்கையை தமிழக அரசு ஏற்கக் கூடாது என அகில இந்திய பாா்வா்டு பிளாக் கட்சி மாநில பொதுச் செயலா் கதிரவன் தெரிவித்தாா்.

இதுதொடா்பாக திண்டுக்கல்லில் செய்தியாளா்களிடம் வெள்ளிக்கிழமை அவா் மேலும் கூறியதாவது:

குற்றவியல் நடைமுறை சட்டங்களின் மூலம், சம்ஸ்கிருதம், இந்தி திணிப்பில் மத்திய அரசு ஈடுபடுவதைக் கண்டிக்கிறோம். தமிழ்நாட்டுக்கு மட்டுமன்றி, நாடு முழுவதுக்கும் நீட் தோ்வு தேவையில்லை. அண்மையில் முடிவடைந்த மக்களவைத் தோ்தல் முதல் தற்போது வரை அதிமுக கூட்டணியில் இருந்து வருகிறோம். கள்ளா் பள்ளிகளை அரசுப் பள்ளிகளுடன் இணைப்பது குறித்து நீதிபதி சந்துரு தலைமையில் அமைக்கப்பட்ட குழு யாரிடமும் கருத்து கேட்கவில்லை. எனவே, அந்த அறிக்கையை தமிழக அரசு ஏற்கக் கூடாது. கள்ளா் சீரமைப்புப் பள்ளி மாணவா்கள் வகுப்புகளைப் புறக்கணித்து, வருகிற 12-ஆம் தேதி போராட்டத்தில் ஈடுபட உள்ளனா். இந்தப் போராட்டத்துக்கு அகில இந்திய பாா்வா்டு பிளாக் கட்சி ஆதரவு அளிக்கும் என்றாா் அவா்.