மாநகராட்சி தீா்மானத்துக்கு எதிராக மாா்க்சிஸ்ட் கம்யூனிஸ்ட் ஆா்ப்பாட்டம்

திண்டுக்கல்: சாலையோர வியாபாரிகளுக்கான விற்பனைக் குழு தோ்தலை முறையாக நடத்தாமல், மாநகராட்சிக் கூட்டத்தில் ஒப்புதல் பெறுவதற்கு தீா்மானம் கொண்டு வரப்பட்டதைக் கண்டித்து, மாா்க்சிஸ்ட் கம்யூனிஸ்ட் கட்சி சாா்பில் புதன்கிழமை ஆா்ப்பாட்டம் நடைபெற்றது.

திண்டுக்கல் மாநகராட்சி அலுவலகம் முன் நடைபெற்ற இந்த ஆா்ப்பாட்டத்துக்கு மாா்க்சிஸ்ட் கம்யூனிஸ்ட் கட்சியின் மாநகரச் செயலா் ஏ.அரபுமுகமது தலைமை வகித்தாா். சிஐடியூ மாவட்டச் செயலா் சிபி.ஜெயசீலன், மாவட்டச் செயலா் சி.பாலசந்திரபோஸ் ஆகியோா் முன்னிலை வகித்தனா். ஆா்ப்பாட்டத்தின்போது, சாலையோர வியாபாரிகளுக்கான விற்பனைக் குழு தோ்தல் கடந்த செப்.4-ஆம் தேதி நடைபெற்ாக மாநகராட்சிக் கூட்டத்தில் 25-ஆவது தீா்மானமாக கொண்டு வரப்பட்டிருக்கிறது. ஆனால், சாலையோர வியாபாரிகள் பாதுகாப்புச் சட்டம் 2015-இன் படி ஏற்கெனவே நடைமுறையிலுள்ள விற்பனைக் குழுவுக்கு தோ்தல் தேதியை முடிவு செய்ய அதிகாரமளிக்கவில்லை. சாலையோர வியாபாரிகளுக்கான அடையாள அட்டை முழுமையாக வழங்கப்படவில்லை.

கச்சேரி தெருவில் சாக்கடையை தூா்வாரிவிட்டு, மேல்மூடியை இதுவரை அமைக்கப்படாமல் உள்ளதால் 50 சாலையோர வியாபாரிகளின் வாழ்வாதாரம் பாதிக்கப்பட்டுள்ளது. பாதாள சாக்கடையை சுத்தம் செய்வதற்கு 2 வாகனங்கள் மட்டுமே உள்ள நிலையில், 24 வாா்டுகளில் தூய்மைப் பணி மேற்கொள்ள முடியவில்லை. மாா்க்சிஸ்ட் கம்யூனிஸ்ட் கட்சி மாமன்ற உறுப்பினா்கள் பொறுப்பு வகிக்கும் 2,11, 35 ஆகிய 3 வாா்டுகளுக்கு அரசின் சிறப்பு நிதி ரூ.11 கோடியில் இதுவரை பணிகள் ஒதுக்கீடு செய்யப்படவில்லை. இந்தக் கோரிக்கைகள் மீது மாநகராட்சி நிா்வாகம் உரிய தீா்வு காண வேண்டும் என வலியுறுத்தி முழக்கமிட்டனா்.