திண்டுக்கல் மாவட்டத்தில் 3,060 குழந்தைகளுக்கு தங்க மோதிரம்

தாய்மாமன் தங்க மோதிரம் திட்டத்தின் கீழ், திண்டுக்கல் மாவட்டத்தில் மொத்தம் 3,060 குழந்தைகளுக்கு தலா ஒரு கிராம் தங்க மோதிரம் வழங்கும் நிகழ்வை அமைச்சா் க.விக்னேஷ் திங்கள்கிழமை தொடங்கி வைத்தாா்.

திண்டுக்கல் அரசு மருத்துவக் கல்லூரி மருத்துவமனையில் நடைபெற்ற இந்த நிகழ்ச்சிக்கு ஆட்சியா் துா்கா தலைமை வகித்தாா். நிலக்கோட்டை சட்டப்பேரவை உறுப்பினா் இரா.அய்யனாா் ஆகியோா் முன்னிலை வகித்தாா்.

இதில் மதுவிலக்கு ஆயத்தீா்வைத் துறை அமைச்சா் க.விக்னேஷ் சிறப்பு அழைப்பாளராகப் பங்கேற்று தங்க மோதிரம் வழங்கும் திட்டத்தைத் தொடங்கி வைத்தாா். அப்போது அவா் பேசியதாவது:

தவெக ஆட்சி அமைத்த பின், 2 மாதங்களுக்கு 500 யூனிட்டுகள் வரை மின்சாரம் பயன்படுத்தும் வீட்டு மின்நுகா்வோா்களுக்கு 200 யூனிட் கட்டணமில்லா மின்சாரம் வழங்கும் திட்டம், விவசாயக் கடன் தள்ளுபடி, சிங்கப் பெண் சிறப்பு அதிரடிப் படை, போதைப் பொருள்கள் தடுப்புப் படை, பெருந்தலைவா் காமராஜா் காலை உணவுத் திட்ட விரிவாக்கம் உள்ளிட்ட திட்டங்கள் வரிசையில் தாய்மாமன் தங்க மோதிரம் திட்டம் தொடங்கி வைக்கப்பட்டிருக்கிறது.

திண்டுக்கல் மாவட்டத்தில் அரசு மருத்துவக் கல்லூரி மருத்துவமனை, பழனி அரசு தலைமை மருத்துவமனை, 12 அரசு மருத்துவமனைகள், 75 ஆரம்ப சுகாதார நிலையங்களில் கடந்த ஜூன் 22 முதல் செப்.27 வரை பிறந்த மொத்தம் 3,060 குழந்தைகளுக்கு தலா ஒரு கிராம் தங்க மோதிரம் வழங்கப்படுகிறது.

இந்த மருத்துவமனைகளில் இனி பிறக்கும் குழந்தைகளுக்கும் தங்கம் மோதிரம் வழங்கப்படும் என்றாா் அவா். இந்த நிகழ்ச்சியில் திண்டுக்கல் அரசு மருத்துவக் கல்லூரி முதல்வா் ஜீ.ஸ்ரீசரவணன், இணை இயக்குநா் (மருத்துவப் பணிகள்) பாரதி உள்ளிட்டோா் கலந்து கொண்டனா்.