மொரார்ஜி தேசாய் பிறந்தநாள் விழா

காந்திய மக்கள் இயக்கம் சார்பில், முன்னாள் பிரதமர் மொரார்ஜி தேசாய் பிறந்தநாள் விழா நடைபெற்றது. பழங்காநத்தம் பை-பாஸ் சாலையில் நடைபெற்ற இந்நிகழ்ச்சியில், மதுரை மத்திய தொகுதி தலைவர் கே. சுயம்புலிங்கம் தலைமை வகித்தார். மாவட்டப் பொருளாளர் இரா. உதயகுமார், மாவட்ட செய்தி தொடர்பாளர் ஜி. அய்யல்ராஜ், மதுரை மேற்கு சட்டப்பேரவைத் தொகுதி வேட்பாளர் சு. ஈஸ்வரன் உள்ளிட்டோர் மொரார்ஜி தேசாயின் உருவப்படத்துக்கு மாலை அணிவித்து மரியாதை செலுத்தினர். இதில், மாநில கொள்கை பரப்புச் செயலர் பொன். மனோகரன், மாநிலச் செயலர் சீ. கிருஷ்ணமூர்த்தி, மாவட்டத் தலைவர் ந. கருணாகரன் உள்ளிட்ட பலர் கலந்துகொண்டனர்.