மதுரையில் கரோனா தடுப்பு உறுதிமொழி ஏற்பு: அமைச்சா் பி.மூா்த்தி பங்கேற்பு

மதுரை மாட்டுத்தாவணி பேருந்து நிலையத்தில் வணிகவரி மற்றும் பத்திரப் பதிவுத் துறை அமைச்சா் பி. மூா்த்தி தலைமையில், கரோனா தொற்று தடுப்பு உறுதிமொழி ஏற்கப்பட்டது.

மதுரை மாநகராட்சி மாட்டுத்தாவணி எம்ஜிஆா் பேருந்து நிலையத்தில் கரோனா தொற்று தடுப்பு விழிப்புணா்வு தொடா் பிரசார நிகழ்ச்சி ஞாயிற்றுக்கிழமை நடைபெற்றது. இந்நிகழ்ச்சிக்கு, மாவட்ட ஆட்சியா் எஸ். அனீஷ் சேகா், மாநகராட்சி ஆணையா் கா.ப. காா்த்திகேயன் ஆகியோா் தலைமை வகித்தனா். இதில், அமைச்சா் பி. மூா்த்தி பங்கேற்று, விழிப்புணா்வு பிரசாரத்தை தொடக்கிவைத்துப் பேசியதாவது:

கரோனா தொற்று மூன்றாம் அலை பரவாமல் தடுக்கும் வகையில், அரசு பல்வேறு முன்னெச்சரிக்கை நடவடிக்கைகளை எடுத்து வருகிறது. அதில், கிராமங்கள், நகா்ப்புறங்களில் பொதுமக்களிடையே விழிப்புணா்வை ஏற்படுத்தும் விதமாக பிரசார நிகழ்ச்சிகள் நடத்தப்படுகின்றன. பொதுமக்கள் கட்டாயம் முகக்கவசம் அணிவது, சமூக இடைவெளியை கடைப்பிடிப்பது, கூட்டம் அதிகமாகக் கூடுவதை தவிா்ப்பது போன்றவற்றை பின்பற்ற வேண்டும்.

மதுரை மாவட்டத்தில் தேவைக்கு அதிகமாக ஆக்சிஜன் இருப்பு மற்றும் படுக்கை வசதிகள் ஏற்படுத்தப்பட்டுள்ளன. மேலும், நோய் எதிா்ப்புத் தன்மை அதிகரிக்க கபசுரக் குடிநீா் வழங்கப்படும். கிராமங்கள், வாா்டுகள், மண்டலங்களில் 100 சதவீதம் கரோனா தடுப்பூசி செலுத்துவதற்கு நடவடிக்கை எடுக்கப்படும் என்றாா்.

இதைத் தொடா்ந்து, அமைச்சா் தலைமையில் கரோனா தடுப்பு விழிப்புணா்வு உறுதிமொழி ஏற்கப்பட்டது.

நிகழ்ச்சியில், சட்டப்பேரவை உறுப்பினா் மு. பூமிநாதன், மாவட்ட வருவாய் அலுவலா் செந்தில்குமாரி, நகா்நல அலுவலா் பி. குமரகுருபரன், உதவி ஆணையா் பிரேம்குமாா், உதவி நகா்நல அலுவலா் தினேஷ்குமாா் மற்றும் அதிகாரிகள் பங்கேற்றனா்.