தமிழ்நாடு சீருடைப்பணியாளா் தோ்வுக்கு கட்டணமில்லா பயிற்சி: மதுரை மாவட்ட வேலைவாய்ப்பு அலுவலகம் அறிவிப்பு

 தமிழ்நாடு சீருடைப்பணியாளா் போட்டித்தோ்வுகளுக்காக நடத்தப்படும் கட்டணமில்லா பயிற்சி வகுப்பில் விருப்பமுள்ள மாணவா்கள் சோ்ந்து கொள்ளலாம் என்று வேலை வாய்ப்பு அலுவலகம் தெரிவித்துள்ளது.

மதுரை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்பட்டு வரும் தன்னாா்வ பயிலும் வட்டத்தின் சாா்பில் போட்டித் தோ்வுகளுக்கான கட்டணமில்லா பயிற்சி வகுப்புகள் நடைபெற்று வருகின்றன. இந்நிலையில் தமிழ்நாடு சீருடைப் பணியாளா் தோ்வு வாரியம் நடத்த உள்ள இரண்டாம் நிலைக் காவலா், சிறை வாா்டன் மற்றும் தீயணைப்புக் காவலா் ஆகிய போட்டித்தோ்வுகளுக்கு கட்டணமில்லா பயிற்சி வகுப்புகள் நடத்தப்பட உள்ளன.

மேலும் போட்டித்தோ்வுகளுக்கான பல்வேறு புத்தகங்கள் அலுவலக நூலகத்தில் பராமரிக்கப்பட்டு வருகின்றன. போட்டித்தோ்வா்கள் புத்தகங்களை எடுத்து அலுவலகத்திலேயே படித்துக்கொள்ள அனுமதிக்கப்படுகிறது.

அத்துடன் போட்டித்தோ்வா்கள் ட்ற்ற்ல்ள்://ற்ஹம்ண்ப்ய்ஹக்ன்ஸ்ரீஹழ்ங்ங்ழ்ள்ங்ழ்ஸ்ண்ஸ்ரீங்ள்.ற்ய்.ஞ்ா்ஸ்.ண்ய் என்ற இணையதளத்தில் தங்களது பெயரை உள்ளீடு செய்து, போட்டிதோ்வுக்கான பாடக்குறிப்புகளை பதிவிறக்கம் செய்து கொண்டு பயன்பெறலாம். மேலும் கல்வித்தொலைக்காட்சி அலைவரிசையில் வேலைவாய்ப்பு மற்றும் பயிற்சித்துறையின் சாா்பாக போட்டித்தோ்வுக்கு தயாராகும் மாணவ, மாணவியருக்காக காலை 7 மணி முதல் 9 மணி வரையிலும் மீண்டும் மாலை 7 மணி முதல் 9 வரையிலும் போட்டித்தோ்வுகளுக்கென எடுக்கப்படும் பயிற்சி வகுப்புகளையும் பயன்படுத்திக் கொள்ளலாம்.

கட்டணமில்லா பயிற்சி வகுப்பில் பங்கேற்க விரும்பும் மாணவா்கள் போட்டித்தோ்வுக்கு விண்ணப்பித்த படிவம் நகல், கடவுச்சீட்டு புகைப்படம் மற்றும் ஆதாா் அட்டை நகல் ஆகியவற்றுடன் மாவட்ட வேலைவாய்ப்பு அலுவலகத்தை நேரில் தொடா்பு கொள்ளலாம் என்று மாவட்ட வேலைவாய்ப்பு அலுவலக துணை இயக்குநா் கா.சண்முகசுந்தா் தெரிவித்துள்ளாா்.