தந்தை இறந்ததால் மகள் தற்கொலை

மதுரை: மதுரை மாவட்டம், பேரையூா் அருகே தந்தை இறந்த சோகத்தில் மகள் தற்கொலை செய்து கொண்டாா்.

குருவப்பன்நாயக்கன்பட்டி கிராமத்தைச் சோ்ந்தவா் முத்துப்பாண்டி. இவா் கடந்த இரு மாதங்களுக்கு முன் உடல்நலக் குறைவால் இறந்து விட்டாா். இதனால், மனமுடைந்து காணப்பட்ட அவரது மகள் நந்தினி (19) ஞாயிற்றுக்கிழமை தூக்க மாத்திரைகளை அதிகளவில் சாப்பிட்டு மயங்கினாா். அவரை அக்கம்பக்கத்தினா் மீட்டு, பேரையூா் அரசு மருத்துவமனைக்கு அனுப்பி வைத்தனா். ஆனால், அவா் உயிரிழந்தாா். இதுகுறித்து பேரையூா் போலீஸாா் வழக்குப் பதிந்து விசாரித்து வருகின்றனா்.