புதிரை வண்ணாா் சமூகத்தினா் கணக்கெடுப்புப் பணி

ராமநாதபுரம்: ராமநாதபுரம் மாவட்டத்தில் புதிரை வண்ணாா் சமூகத்தினா் கணக்கெடுப்பு பணி நடைபெற உள்ளது. இதற்கு அந்த சமூகத்தினா் உரிய தகவல்களை அளிக்க வேண்டும் என மாவட்ட ஆட்சியா் பா.விஷ்ணுசந்திரன் கேட்டுக்கொண்டாா்.

இதுகுறித்து அவா் வெளியிட்ட செய்திக் குறிப்பு:

தமிழக அரசின் ஆதிதிராவிடா் நலத் துறை சாா்பில், புதிரை வண்ணாா் சமூகத்தின் சமூகப் பொருளாதார நிலையைக் கண்டறிவதற்காக மாநிலம் முழுவதும் கணக்கெடுப்பு நடைபெற உள்ளது. இந்தப் பணிக்காக இப்சோஸ் ஆராய்ச்சி நிறுவனத்தை தமிழக அரசின் ஆதிதிராவிடா் நலத் துறை இயக்குநரகம் நியமித்துள்ளது.

இந்த நிறுவனம் துறை அதிகாரிகள், புதிரை வண்ணாா் நல வாரிய உறுப்பினா்கள், அரசு பிரதிநிதிகளுடன் ஆலோசனை நடத்தி, கணக்கெடுப்பை மேற்கொள்ள உள்ளது. கணக்கெடுப்புக் குழு ஒவ்வொரு கிராமத்துக்கும் சென்று கிராம, குடும்ப அளவிலான கணக்கெடுப்பை நடத்துகின்றனா்.

நேரடியாக சேகரிக்கப்பட்ட புள்ளி விவரங்கள், தரவுகள், புதிரை வண்ணாா் சமூக மக்களின் வாழ்க்கை நிலை, அவா்களுக்கான எதிா்கால வாய்ப்புகளை மேம்படுத்த தமிழக அரசு உரிய கொள்கை முடிவுகளை மேற்கொள்வதற்கு மிகவும் பயனுள்ளதாக இருக்கும். எனவே இந்த கணக்கெடுப்புப் பணிக்கு நியமனம் செய்யப்பட்ட அலுவலா்கள் வரும் போது, புதிரை வண்ணாா் சமூக மக்கள் உரிய தகவல்களை அளித்து கணக்கெடுப்புக் குழுவுக்கு ஒத்துழைப்பு அளிக்க வேண்டும் என்றாா் அவா்.