மதுரை கோயில் திருக்கல்யாண விருந்து விவகாரம்: பள்ளிக் கல்வித் துறைச் செயலா் பதிலளிக்க உத்தரவு

மதுரையில் அரசு உதவி பெறும் பள்ளியில் ஆண்டுக்கு ஒரு முறை நடைபெறும் மீனாட்சி சுந்தரேசுவரா் திருக்கல்யாண விருந்துக்குத் தடைவிதிக்கக் கூடாது எனக் கோரிய மனு தொடா்பாக தமிழக அரசின் பள்ளிக் கல்வித் துறைச் செயலா் பதிலளிக்க சென்னை உயா்நீதிமன்ற மதுரை அமா்வு திங்கள்கிழமை உத்தரவிட்டது.

மதுரையைச் சோ்ந்த தண்டீஸ்வரன் சென்னை உயா்நீதிமன்ற மதுரை அமா்வில் தாக்கல் செய்த மனு:

மதுரை சித்திரைத் திருவிழாவின் முக்கிய நிகழ்வான மீனாட்சி சுந்தரேசுவரா் திருக்கல்யாணம் ஆண்டுதோறும் நடைபெற்று வருகிறது. இதையொட்டி, ஆண்டுதோறும் பக்தா்களுக்கு இலவசமாக திருக்கல்யாண விருந்து மதுரையில் அரசு உதவி பெறும் பள்ளியில் வழங்கப்பட்டு வருகிறது. திருக்கல்யாண நிகழ்வை முடித்துவிட்டு, பக்தா்கள் இந்தப் பள்ளியில் தயாா் செய்யப்படும் விருந்து நிகழ்வில் உணவருந்திச் செல்வது வழக்கம். மேலும், அரிசி, காய்கறிகள், சமையல் எண்ணெய் உள்ளிட்ட பொருள்கள் பொதுமக்களால் நன்கொடையாக வழங்கப்படுவதுடன், நூற்றுக்கணக்கானோா் தன்னாா்வலா்களாக சமையல், உணவு பரிமாறும் பணிகளில் ஈடுகின்றனா்.

சுமாா் 35 ஆண்டுகளுக்கும் மேலாக இந்தப் பள்ளி மைதானத்தில் விருந்து நிகழ்வு நடத்தப்பட்டு வருகிறது. பள்ளி நிா்வாகத்தின் ஒத்துழைப்புடன், பள்ளி விடுமுறைக் காலத்தில் ஆண்டுக்கு ஒருமுறை மட்டுமே இந்த விருந்து நிகழ்வு நடத்தப்படுகிறது. இதனால், மாணவா்களின் கல்வி நடவடிக்கைகளுக்கு எந்தப் பாதிப்பும் ஏற்படுவதில்லை.

திருக்கல்யாண விருந்து எந்த ஒரு குறிப்பிட்ட மதத்தினருக்கான நிகழ்ச்சி அல்ல. பல்வேறு மதங்களைச் சோ்ந்தவா்களும் சமையல், உணவு பரிமாறுதல், பொருள்களை வழங்குதல் உள்ளிட்டப் பணிகளில் ஆா்வமுடன் பங்கேற்கின்றனா். இந்த நிகழ்வு மதுரையின் சமூக நல்லிணக்கம், கலாசார ஒற்றுமையை வெளிப்படுத்துகிறது.

இந்த நிலையில், கடந்த ஜூலை மாதம் தமிழ்நாடு அரசு அனைத்துப் பள்ளி, கல்லூரிகளிலும் அரசியல் சாா்ந்த, மதம் சாா்ந்த நிகழ்வுகளுக்கு அனுமதி வழங்கக் கூடாது என உத்தரவு பிறப்பித்தது. இந்த அரசாணை அரசமைப்புச் சட்டத்துக்கு எதிரானது.

எனவே, அரசு உதவி பெறும் பள்ளியில் ஆண்டுதோறும் மீனாட்சி சுந்தரேசுவரா் திருக்கல்யாணத்தை முன்னிட்டு, நடத்தப்படும் திருக்கல்யாண விருந்துக்குத் தடை விதிக்கக் கூடாது என உத்தரவிட வேண்டும் என அவா் கோரினாா்.

இந்த மனு உயா்நீதிமன்ற நீதிபதிகள் சி.வி.காா்த்திகேயன், ஆா்.சக்திவேல் அமா்வு முன் திங்கள்கிழமை விசாரணைக்கு வந்தது.

அப்போது, நீதிபதிகள் பிறப்பித்த உத்தரவு:

அரசு உதவி பெறும் பள்ளியில் திருக்கல்யாண விருந்து என்பது ஆண்டுதோறும் அமைதியாக நடைபெறக்கூடிய நிகழ்வுதானே?. இதில் என்ன பிரச்னை இருக்கப் போகிறது?. இந்த மனு தொடா்பாக தமிழக அரசின் பள்ளிக் கல்வித் துறைச் செயலா் பதிலளிக்க வேண்டும். வழக்கு விசாரணை வருகிற அக்.6-ஆம் தேதிக்கு ஒத்திவைக்கப்படுகிறது என்றனா் நீதிபதிகள்.