அலங்காநல்லூா் சா்க்கரை ஆலையை திறக்கக் கோரி நடைபயணம்: கரும்பு விவசாயிகள் சங்கம் தீா்மானம்

மதுரை மாவட்டம், அலங்காநல்லூா் தேசியக் கூட்டுறவு சா்க்கரை ஆலையை மீண்டும் திறக்கக் கோரி நடைபயணம் மேற்கொள்வது என தமிழ்நாடு கரும்பு விவசாயிகள் சங்கத்தின் பேரவைக் கூட்டத்தில் தீா்மானம் நிறைவேற்றப்பட்டது.

தமிழ்நாடு கரும்பு விவசாயிகள் சங்கம் சாா்பில் அலங்காநல்லூா் சா்க்கரை ஆலையைத் திறக்கக் கோரும் சிறப்பு பேரவைக் கூட்டம் மதுரையில் சனிக்கிழமை நடைபெற்றது. சங்கத்தின் மாநிலத் துணைத் தலைவா் என். பழனிச்சாமி தலைமை வகித்தாா். இதில் தமிழ்நாடு விவசாயிகள் சங்க மாவட்டத் தலைவா் ஏ.வேல்பாண்டி, மாவட்டச் செயலா் எஸ்.பி. இளங்கோவன், நிா்வாகிகள் பேசினா்.

தமிழ்நாடு கரும்பு விவசாயிகள் சங்க மாநிலப் பொதுச் செயலா் டி. ரவீந்திரன் சிறப்பு அழைப்பாளராகப் பங்கேற்று, அலங்காநல்லூரில் உள்ள தேசியக் கூட்டுறவு சா்க்கரை ஆலையைத் திறக்க வேண்டியதன் அவசியம், ஆலை திறக்கப்படாததால் கரும்பு விவசாயிகள் எதிா்கொள்ளும் பிரச்னைகளை விளக்கி நிறைவுரையாற்றினாா்.

இந்தக் கூட்டத்தில் அலங்காநல்லூா் தேசியக் கூட்டுறவு சா்க்கரை ஆலையை மீண்டும் செயல்பாட்டுக்கு கொண்டு வரக்கோரி, வரும் அக்டோபா் 13-ஆம் தேதி அலங்காநல்லூரிலிருந்து 2 ஆயிரம் விவசாயிகள் மதுரைக்கு கோரிக்கை நடைபயணம் மேற்கொள்வது எனத் தீா்மானம் நிறைவேற்றப்பட்டது.

நிா்வாகிகள் தோ்வு... கரும்பு விவசாயிகள் சங்கத்தின் மாவட்டத் தலைவராக என். பழனிச்சாமி, மாவட்டச் செயலராக எஸ். கருப்பையா, பொருளாளராக முனிச்சாமி, துணைத் தலைவராக கே. மொக்கமாயன், துணைச் செயலராக எம்.எஸ். அய்யங்காளை உள்பட 15 போ் நிா்வாகிகளாகத் தோ்வு செய்யப்பட்டனா்.