வைகை ஆற்றில் ஆகாயத் தாமரைகளை அகற்றும் பணி தடுத்து நிறுத்தம்

மதுரை வைகை ஆற்றில் தனியாா் அறக்கட்டளை சாா்பில் நடைபெற்ற ஆகாயத் தாமரைகளை அகற்றும் பணி, பொதுப் பணித் துறையினரால் புதன்கிழமை தடுத்து நிறுத்தப்பட்டது.

நட்சத்திர நண்பா்கள் அறக்கட்டளை சாா்பில் மதுரை வைகை ஆற்றை தூா்வாரி சீரமைக்கும் பணி கடந்த 2024-ஆம் ஆண்டு முதல் மேற்கொள்ளப்படுகிறது. மேலும் இந்த அறக்கட்டளை சாா்பில் வைகை ஆற்றில் படரும் ஆகாயத் தாமரைகள் அவ்வப்போது அகற்றி சீரமைக்கப்படும்.

இந்த வகையில், நட்சத்திர நண்பா்கள் அறக்கட்டளை சாா்பில் மூன்றாவது ஆண்டாக வைகை ஆற்றை தூா்வாரி சீரமைக்கும் பணி, கல்லூரி மாணவ, மாணவிகள் பங்கேற்கும் வைகை ஆறு பாதுகாப்பு விழிப்புணா்வு உறுதிமொழி ஏற்கும் நிகழ்வு, பேரணி ஆகியவை புதன்கிழமை நடைபெறும் என அறிவிக்கப்பட்டிருந்தது. மாநகராட்சி ஆணையா், மாநகர காவல் ஆணையா் இந்த நிகழ்வில் பங்கேற்பா் எனவும் அந்த அறிவிப்பில் குறிப்பிடப்பட்டிருந்தது.

இதற்காக காவல் துறையில் முறைப்படி அனுமதி கோரி அறக்கட்டளை சாா்பில் விண்ணப்பிக்கப்பட்டிருந்தது. இந்த நிலையில், விழிப்புணா்வு பேரணிக்கு அனுமதி மறுக்கப்பட்டதாக நள்ளிரவு 2 மணிக்கு காவல் துறை சாா்பில் மின்னஞ்சல் மூலம் அறக்கட்டளை நிா்வாகத்துக்கு தகவல் அளிக்கப்பட்டது.

இதனால், புதன்கிழமை காலை விழிப்புணா்வு பேரணியில் பங்கேற்க வந்த மாணவா்கள், இளைஞா்கள் காந்தி நினைவு அருங்காட்சியக வளாகத்திலேயே தங்க வைக்கப்பட்டனா். பிறகு, அங்கேயே அவா்கள் வைகை ஆறு பாதுகாப்பு உறுதிமொழி ஏற்றுச் சென்றனா்.

இதையடுத்து, காலை 8 மணி அளவில் 4 பொக்லைன் இயந்திரங்களைக் கொண்டு வைகை ஆற்றில் படா்ந்திருந்த ஆகாயத் தாமரைகளை அகற்றும் பணி, நட்சத்திர நண்பா்கள் அறக்கட்டளை நிா்வாகிகளால் தொடங்கி வைக்கப்பட்டது. இந்த நிலையில், பகல் சுமாா் ஒரு மணி அளவில் காவல் துறையினருடன் அங்கு வந்த பொதுப் பணித் துறையினா் வைகை ஆற்றை தூா்வார தனியாரை அனுமதி முடியாது எனக் கூறி, ஆகாயத் தாமரைகளை அகற்றும் பணியை உடனடியாகக் கைவிட அறிவுறுத்தினா்.

இதற்கு, அறக்கட்டளை நிா்வாகிகளும், அந்தப் பகுதியில் கூடியிருந்த பொதுமக்களும் கடும் எதிா்ப்பு தெரிவித்தனா். சிலா், பொதுப் பணித் துறை அலுவலா்களுடன் கடும் வாக்குவாதத்தில் ஈடுபட்டனா். இதனால், அங்கு சில நிமிஷங்கள் பரபரப்பு ஏற்பட்டது. பிறகு, ஆகாயத் தாமரைகளை அகற்றும் பணி கைவிடப்பட்டது.

இதுகுறித்து நட்சத்திர நண்பா்கள் அறக்கட்டளை நிறுவனா் குருசாமி கூறியதாவது: தூய்மையாகப் பராமரிக்க வேண்டும் என்பதற்காக பல கோடி ரூபாய் செலவில் கடந்த 3 ஆண்டுகளாக வைகை ஆற்றை தூா்வாரும் பணியையும், கண்காணிப்பு கேமராக்கள் அமைக்கும் பணியையும் செய்து வருகிறோம். பொதுப் பணித் துறை இதுவரை எந்தவித எதிா்ப்பும் தெரிவிக்காத நிலையில், தற்போது அனுமதி மறுப்பது வேதனை அளிக்கிறது. இதேபோல, விழிப்புணா்வு பேரணிக்கு காவல் துறை அனுமதி மறுத்ததும் வருத்தமளிக்கிறது. ஆனால், இதற்கான காரணங்கள் தெரியவில்லை என்றாா் அவா்.

கண்டனம்... அண்மையில் மதுரைக்கு வந்த தமிழக ஆளுநா் ஆா்லேகா், மதுரை வைகை ஆற்றை தூா்வாரி சீரமைக்க அரசு நடவடிக்கை எடுக்க வேண்டும். இல்லையெனில், இளைஞா்களை ஒருங்கிணைத்து ஆளுநா் மாளிகை சாா்பில் வைகை ஆறு தூா்வாரி சீரமைக்கப்படும் எனத் தெரிவித்தாா். இதற்கு, அமைச்சா் சி.டி.ஆா். நிா்மல்குமாா், மதுரை மக்களவைத் தொகுதி உறுப்பினா் சு. வெங்கடேசன் ஆகியோா் கண்டனம் தெரிவித்திருந்தனா்.

இந்த நிலையில், கடந்த 3 ஆண்டுகளாக பல முறை வைகை ஆற்றை தூா்வாரி சீரமைத்த நட்சத்திர நண்பா்கள் அறக்கட்டளைக்கு அனுமதி மறுக்கப்பட்டதற்கு சில அரசியல்வாதிகளின் சூழ்ச்சியே காரணம் என சமூக ஆா்வலா்கள் குற்றஞ்சாட்டினா். மேலும், இது மாநகரின் வளா்ச்சிக்கு விரோதமானது எனவும் அவா்கள் தெரிவித்தனா்.