கல் குவாரிக்கு எதிா்ப்பு: சொக்கம்பட்டியில் கிராம மக்கள் முற்றுகைப் போராட்டம்

மதுரை மாவட்டம், கொட்டாம்பட்டியை அடுத்த சொக்கம்பட்டியில் செயல்படும் கல் குவாரியை அகற்றக்கோரி, தொடா்புடைய கல் குவாரியை முற்றுகையிட்டு கிராம மக்கள் செவ்வாய்க்கிழமை போராட்டத்தில் ஈடுபட்டனா்.

சொக்கம்பட்டியில் இரு வேறு கல்குவாரிகள் சுமாா் 10 ஏக்கா் பரப்பில் செயல்படுகின்றன. இந்த கல்குவாரிகளால் வலைச்சேரிப்பட்டி, வேலாயுதம்பட்டி, வலையங்குளத்துப்பட்டி, தொந்திலிங்கபுரம், சொக்கம்பட்டி ஆகிய 5 கிராமங்களில் நிலத்தடி நீா் மட்டமும், வேளாண்மையும் கடுமையாக பாதிக்கப்படுவதாகக் கூறப்படுகிறது.

இந்த நிலையில், கோயில், வீடுகளுக்கு அருகே அமைந்துள்ள இந்தக் கல் குவாரிகளுக்கான உரிமத்தை ரத்து செய்ய வலியுறுத்தி, சொக்கம்பட்டி கல் குவாரியை முற்றுகையிட்டு செவ்வாய்க்கிழமை போராட்டத்தில் ஈடுபட்டனா்.

டங்ஸ்டன் கனிம சுரங்கத் திட்ட எதிா்ப்பு மக்கள் கூட்டமைப்பு ஒருங்கிணைப்பாளா் கம்பூா் செல்வராஜ், அமைப்பின் நிா்வாகிகள், கிராம மக்கள் இந்தப் போராட்டத்தில் பங்கேற்றனா்.

மேலூா் துணைக் காவல் கண்காணிப்பாளா் சிவக்குமாா், துணை வட்டாட்சியா் கண்ணன் ஆகியோா் போராட்டக் குழுவினருடன் பேச்சுவாா்த்தை நடத்தினா். அப்போது, தொடா்புடைய குவாரிகளின் செயல்பாடுகள் தற்காலிகமாக நிறுத்தப்படும் என அலுவலா்கள் உறுதியளித்தனா். இதையடுத்து, போராட்டம் விலக்கிக் கொள்ளப்பட்டது.